قازاقستان حالقىنىڭ سانى 17 ميلليون 563 مىڭ ادامنان استى
2015 -جىلعى قاڭتار- شىلدەدە حالىق سانى جالپى ەل بويىنشا 145,6 مىڭ ادامعا نەمەسە %0,8 ءوستى، 2014 -جىلعى 1 -تامىزبەن سالىستىرعاندا حالىق سانى 254600 ادامعا نەمەسە %1,47 ءوستى.
ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2015 ج. قاڭتار- شىلدەدە تۋىلعاندار سانى 231500 (231,4) ادامدى قۇرادى. تۋۋدىڭ جالپى كوەففيتسيەنتى 1000 ادامعا 22,72 (23,04) تۋىلعانداردى قۇرادى.
قاراستىرىلىپ وتىرعان كەزەڭدە قايتىس بولعاندار سانى 80000 (78,6) ادامدى قۇرادى، بۇل 2014 ج. قاڭتار- شىلدەگە قاراعاندا %1,8 كوپ. ءولىم- ءجىتىمنىڭ جالپى كوەففيتسيەنتى 1000 ادامعا 7,85 (7,83) قايتىس بولعانداردى قۇرادى.
2015 ج. قاڭتار- شىلدەدە رەسپۋبليكا حالقىنىڭ تابيعي ءوسىمى 2014 ج. قاڭتار- شىلدەمەن سالىستىرعاندا 1,2 ادامعا نەمەسە %0,8 ازايىپ، 151,6 (152,8) مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 14,87 (15,21) ادامدى قۇرادى.
2015 ج. قاڭتار- شىلدەدە رەسپۋبليكادا 1 جاسقا دەيىنگى قايتىس بولعان نارەستە سانى 2263 (2411) ادامدى قۇراپ، 2014 ج. سايكەس كەزەڭىمەن سالىستىرعاندا %6,1 ازايدى. وسى كەزەڭدە نارەستە ءولىم- ءجىتىمىنىڭ كوەففيتسيەنتى 2014 -جىلعى قاڭتار- ماۋسىممەن سالىستىرعاندا 10,42 پروميللەدەن 9,77 پروميللەگە دەيىن تومەندەدى. نارەستە ءولىم- ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2015 ج. قاڭتار- شىلدەدە 1166 (1319) نارەستە قايتىس بولدى، بۇل نارەستەلەر اراسىنداعى ءولىمنىڭ جالپى سانىنىڭ %51,5 (%54,7) قۇرادى. تۋا بىتكەن اۋىتقۋلاردان قايتىس بولعان نارەستەلەر سانى 490 (481) نەمەسە %21,7 (%20,0)، تىنىس ورگاندارى اۋرۋلارىنان - 160 (184) نەمەسە %7,1 (%7,6) جانە جازاتايىم جاعدايدان، ۋلانۋدان جانە جاراقاتتان - 121 (111) نەمەسە %5,3 (%4,6) ادامدى قۇرادى.
كوشى- قون پوليتسياسى ورگاندارى ۇسىنعان كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2015 -جىلعى قاڭتار- شىلدەدە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ- قونۋشىلار) 2014 -جىلعى قاڭتار- شىلدەمەن سالىستىرعاندا %0,2 ارتىپ، 9689 ادامدى قۇرادى. ەلىمىزدەن كەتكەن كوشىپ- قونۋشىلاردىڭ تىركەلۋ سانى %7,4 كوبەيىپ، 15 615 ادامدى قۇرادى، كوشى- قوننىڭ ايىرىمى -5926 ادام بولدى. ەلىمىزدەگى نەگىزگى كوشى- قون الماسۋى تمد مەملەكەتتەرىمەن بولۋدا. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، %86,4 جانە %90,1 قۇرادى. قاراستىرىلىپ وتىرعان كەزەڭدە 2014 ج. سايكەس كەزەڭىمەن سالىستىرعاندا ەل ىشىندە كوشىپ- قونۋشىلار سانى %27,1 كوبەيىپ، 265679 ادامدى قۇرادى. ءوڭىرارالىق كوشىپ- قونۋشىلاردىڭ ۇلەسىنە ەلىمىزدىڭ جالپى ىشكى كوشىپ- قونۋشىلار سانىنىڭ %44,5 تيەسىلى. ءوڭىرارالىق كوشى- قوننىڭ وڭ ايىرىمى الماتى (25229 ادام)، استانا (437 ادام) قالالارىندا جانە اقمولا (1 694 ادام)، قوستاناي (650 ادام)، ماڭعىستاۋ (595 ادام)، اتىراۋ (21 ادام) وبلىستارىندا قالىپتاستى.
