قازگيدرومەت: 16-قازانعا ارنالعان كۇن رايى بولجامى

استانا. قازاقپارات - اتموسفەرالىق فرونتالدى بولىكتەردىڭ وتۋىنە وراي قازاقستاننىڭ باسىم بولىگىندە جاڭبىر جاۋادى، دەپ حابارلايدى قازاقپارات «قازگيدرومەت» ر م ك- نا سلتەمە جاساپ.

ەلدىڭ وڭتۇستىك-شىعىسىندا عانا انتيتسيكلون جوتاسىنىڭ اسەرىنەن كۇن جاۋىن-شاشىنسىز بولادى.

رەسپۋبليكانىڭ وڭتۇستىگىندە، وڭتۇستىك-شىعىسىندا، شىعىسىندا جەل كۇشەيەدى، باتىسىندا، سولتۇستىك-باتىسىندا، سولتۇستىگىندە تۇمان تۇسەدى.

استانادا كوشپەلى بۇلت شىعىپ، كۇندىز كەي ۋاقىتتا جاڭبىر جاۋادى. سولتۇستىك-باتىستان جەل سوعادى، كۇشى 7-12 م/س- كە جەتەدى. اۋا تەمپەراتۋراسى تۇندە 4-6، كۇندىز 13-15 گرادۋس جىلى بولادى.

الماتىدا كوشپەلى بۇلت شىعىپ، كۇن جاۋىن-شاشىنسىز بولادى. جەلدىڭ جىلدامدىعى سەكۋندىنا 2-7 م/س- كە جەتەدى. اۋانىڭ تەمپەراتۋراسى تۇندە 10-12، كۇندىز 23-25 گرادۋس جىلى بولادى.

شىمكەنتتە كوشپەلى بۇلت شىعىپ، كۇن جاۋىن-شاشىنسىز بولادى. وڭتۇستىك-باتىستان جەل سوعادى، كۇشى 8-13 م/س. اۋا تەمپەراتۋراسى تۇندە 8-10، كۇندىز 25-27 گرادۋس جىلى بولادى.