حاينان ارالىندا ءبىر ايدا 16 مىڭنان استام ادام كوروناۆيرۋس جۇقتىردى

بەيجىڭ. قازاقپارات - تامىز ايىنىڭ باسىنان بەرى حاينان كۋرورت پروۆينتسياسىندا (وڭتۇستىك قىتاي) كوروناۆيرۋس ينفەكتسياسىنىڭ 16 مىڭنان استام جاعدايى انىقتالدى، دەپ حابارلايدى قازاقپارات شينحۋا اقپارات اگەنتتىگىنە سىلتەمە جاساپ.

اگەنتتىك مالىمەتىنشە، 1-19- تامىز ارالىعىندا حاينان پروۆينتسياسىندا COVID-19 ۆيرۋسىن جۇقتىرۋدىڭ 6,7 مىڭنان استام جاعدايى جانە اۋرۋ بەلگىسى جوق 9,5 مىڭنان استام تاسىمالداۋشى تىركەلگەن.

جەرگىلىكتى بيلىك مالىمدەمەسىنە سايكەس، كوروناۆيرۋس جۇقتىرۋ جاڭا جاعدايلارىنىڭ سانى سوڭعى ەكى كۇندە ازايىپ كەلەدى.

سونىمەن قاتار، 9-19- تامىز ارالىعىندا بۇرىن كۋرورتتىق ارالدان شىعا الماي قالعان 124 مىڭنان استام تۋريست ۇشىپ كەتە الدى.

بۇل رەتتە 11 مىڭنان استام تۋريست ارالدان تەڭىز ارقىلى كەتكەن.

بۇرىن حابارلانعانداي، تامىز ايىنىڭ باسىندا حاينان پروۆينتسياسىندا كوروناۆيرۋستىڭ جاڭا وشاقتارى تىركەلدى.

ءبىر عانا سانيا كۋرورت قالاسىندا COVID-19 ىندەتىنە بايلانىستى 80 مىڭنان استام تۋريست قايتا كەتە الماي قالدى.