قورعاستا ءتۇرلى جاسىرىن قويمالاردان 16 توننا زاڭسىز تاۋار تابىلدى

استانا. قازاقپارات - ۆيدەودان الىنعان كادر شەكارا قىزمەتكەرلەرىنىڭ 27 -ساۋىردە تاڭعى ۋاقىتتا «قورعاس» شى ح و اۋماعىندا جۇرگىزگەن ءىس- شارالارىنىڭ بارىسىندا «التىنكول» كەدەن بەكەتىنەن كەدەن باقىلاۋىنان جاسىرىلعان (جالپى سالماعى 5525 كەلى بولاتىن 277 تاۋار) حالىق تۇتىناتىن تاۋارلار تابىلدى.

بۇل تۋرالى Tengrinews.kz تىلشىسىنە «قورعاس» شى ح و «التىنكول» كەدەن بەكەتىندەگى باس مامان حابارلادى. تاۋارلاردىڭ بارلىعى كارىز ليۋكتەرىندە جاسىرىلعان. بارلىق تاۋار تاركىلەنىپ، ۋاقىتشا ساقتاۋ قويماسىنا كوشىرىلدى. «جەرگىلىكتى تۇرعىندار تاۋارلاردى ۋاقىتشا ساقتاۋ قويماسىنا كوشىرۋ كەزىندە شەكارا قىزمەتكەرلەرى مەن كەدەن قىزمەتكەرلەرىنە قارسىلىق كورسەتتى. تۇسىندىرمە جۇمىستارى جۇرگىزىلگەن سوڭ جاعداي تۇراقتالدى. بارلىق تاۋار قويماعا كوشىرىلدى، قازىرگى ۋاقىتتا وسى تاۋارلارعا قاتىسى بار ادامداردى انىقتاۋ بويىنشا شارالار جۇرگىزىلىپ جاتىر»، - دەدى كەدەن قىزمەتكەرى.

«مۇنداي ءىس-شارالار كۇندەلىكتى جۇرگىزىلىپ وتىرادى. 22-27 -ءساۋىر ارالىعىندا ۇستالعان تاۋارلاردىڭ جالپى سالماعى 16 توننا 4631 كەلىگە جەتتى»، - دەيدى ول.