قازاقستاندا ەت باعاسى 16 پايىزعا قىمباتتادى
ال ەڭ قىمبات ەت استانا قالاسىندا ساتىلىپ جاتىر.
بۇل تۋرالى ranking.kz باسىلىمى جازدى.
2017-جىلدىڭ قازان ايىنىڭ سوڭىندا سيىر ەتى كيلوگرامىنىڭ باعاسى 1426,3 تەڭگە بولدى. جىلىنا %15,6 عا (192,7 تەڭگەگە)، ايىنا %0,7 عا (9,4 تەڭگەگە) قىمباتتاعان ەكەن. بىلتىر قازان ايىندا سيىر ەتىنىڭ باعاسى %6,3 عا (73,4 تەڭگەگە) قىمباتتاپ، ءبىر كيلوگرامىنىڭ باعاسى 1233,7 تەڭگەگە جەتكەن ەدى. قازاقستان قالالارىنىڭ ىشىندە ەڭ ارزان ەت تارازدا ساتىلىپ جاتىر. اتالعان قالادان ءبىر كيلوگرام ەتتى 1297 تەڭگەگە الۋعا بولادى. وسىلايشا ەتتىڭ ءبىر ايداعى باعاسى %1,8 عا (23 تەڭگە) دەيىن عانا قىمباتتاعان. ال جىلىنا %67 عا (81 تەڭگەگە) قىمباتتاعان.
بۇدان كەيىنگى ارزان ەتتى پەتروپاۆل قالاسىنان تابۋعا بولادى. اتالعان قالادا ەتتىڭ كيلوگرامى 1303 تەڭگەدەن ساتىلىپ جاتىر. ەت باعاسى ايىنا %4,3 عا (54 تەڭگەگە) قىمباتتاعان. ال جىلىنا %12,9 عا (149 تەڭگەگە) قىمباتتاعان.
ەت باعاسىنىڭ ارزاندىعى جاعىنان تالدىقورعان قالاسى ءۇشىنشى ورىندا تۇر. اتالعان قالادان ەتتىڭ ءبىر كيلوگرامىن 1317 تەڭگەگە ساتىپ الۋعا بولادى. ءبىر ايدا سيىر ەتىنىڭ باعاسى كوتەرىلمەگەن. دەسە دە، ءبىر جىل ىشىندە ەت باعاسى %9,5 عا (114 تەڭگەگە) قىمباتتاعان.
استانادا ەت كيلوگرامىنىڭ باعاسى - 1661 تەڭگە، اتىراۋدا - 1530 تەڭگە، الماتىدا - 1525 تەڭگە.
