حالىقارالىق بالالار بايقاۋىنىڭ قورىتىندىسى بويىنشا قازاق تىلىندە 16 ءان جازىلادى - ءا. نازاربايەۆا
بۇل تۋرالى بۇگىن الماتىدا بالالار ءان بايقاۋىنىڭ كاستينگىندە «جاندانۋ الەمى» قورىنىڭ جەتەكشىسى ءاليا نازاربايەۆا ءمالىم ەتتى.
«سىزدەردىڭ تازا، اسەم داۋىسىڭىز وتانىمىزدىڭ كەڭ دالاسىندا شىرقالسىن. ءبىزدىڭ بايقاۋىمىز ەلدىڭ ءتورت وبلىسىنان ۇلتى مەن جاسى ءار الۋان مىڭنان استام بالانىڭ باسىن قوستى. الدا ءالى ون وبلىس پەن قالالار بار»، - دەدى ءا. نازاربايەۆا.
«Bala Turkvision» حالىقارالىق بالالار بايقاۋىنىڭ ۇلتتىق ىرىكتەۋى - «جاندانۋ الەمى» قورى جوبالارىنىڭ ءبىرى. ونىڭ ميسسياسى - ءبىلىم بەرۋ، مادەنيەت جانە قايىرىمدىلىق سالالارىنداعى الەۋمەتتىك جوبالاردى قولداۋ مەن جۇزەگە اسىرۋ.
بايقاۋعا 8-دەن 13 جاسقا دەيىنگى دارىندى بالالار قاتىسادى. ۇلتتىق ىرىكتەۋدىڭ جارتىلاي فينالى مەن اقتىق سىنى اعىمداعى جىلى 16-17 - قىركۇيەكتە استانادا وتەدى. جەڭىمپاز انىقتالىپ، ول «Bala Turkvision» بالالار اندەرىنىڭ I حالىقارالىق بايقاۋىنىڭ گراند- فينالىندا ەل نامىسىن قورعايدى.
