قازاقستاندا نەكەگە تىركەلگەن جۇپتاردىڭ 16 پايىزى بالا سۇيە المايدى
وندا باسقا دا ماڭىزدى تاقىرىپتارمەن قاتار ەركەك دەنساۋلىعىنا بايلانىستى ماسەلەلەر تالقىلاندى.
ۇلتتىق كوميسسيا مۇشەسى، «ۇلتتىق نەيروحيرۋرگيا ورتالىعى» ا ق ديرەكتورلار كەڭەسىنىڭ ءتوراعاسى بەكسۇلتان تۇتقىشەۆتىڭ ايتۋىنشا، ق ر كونستيتۋتسياسىنىڭ 27-بابى انا مەن بالانىڭ، سونىمەن قاتار اكەنىڭ دەنساۋلىعىنا كەپىلدىك بەرەدى.
«انا مەن بالا دەنساۋلىعىن ساقتاۋدا ءبىز ۇلكەن جەتىستىكتەرگە جەتسەك تە، وكىنىشكە قاراي، ەر ادامنىڭ، ياعني اكەنىڭ دەنساۋلىعىن ساقتاۋداعى كونستيتۋتسيالىق نورما بۇگىنگى كۇنگە دەيىن ءوز شەشىمىن تابا الماي كەلە جاتىر»، - دەپ اتاپ ءوتتى ول.
ونىڭ ايتۋىنشا، بىلتىر ءبىرقاتار تالقىلاۋلاردان كەيىن العاش رەت ەر ادامداردىڭ دەنساۋلىق ماسەلەسى ءوز دەڭگەيىندە كوتەرىلدى. سونىڭ ناتيجەسىندە بىلتىر دەنساۋلىق ساقتاۋ جانە الەۋمەتتىك دامۋ مينيسترلىگى ەمحانالار جانىنان اندرولوگيالىق كابينەتتەر اشۋ تۋرالى بۇيرىققا قول قويدى.
«ياعني، بۇگىندە دەنساۋلىق ساقتاۋ تۋرالى كونستيتۋتسيالىق نورمانى جۇزەگە اسىرۋ قولعا الىندى. ەر ادامدار اراسىنداعى ءولىم-ءجىتىمنىڭ جوعارى كورسەتكىشى جانە باسقا دا ماسەلەلەر تۋرالى ءبىز جاقسى بىلەمىز. سوندىقتان بۇل ءوز ۋاقىتىندا قولعا الىنعان شارا دەپ ويلايمىن. ەندى 5-10 -جىلدان كەيىن جاعداي تۇراقتانادى دەگەن ۇمىتتەمىز»، - دەيدى ب. تۇتقىشەۆ.
ونىڭ ايتۋىنشا، ەندى ەر- ازاماتتار اراسىندا ءتۇسىندىرۋ جۇمىستارىن جۇرگىزىپ، اندرولوگ مامانداردى كوپتەپ دايىنداۋعا كىرىسۋ قاجەت.
ماماننىڭ كەلتىرگەن مالىمەتتەرى بويىنشا، قازاقستاندا تىركەلگەن جۇپتاردىڭ 16 پايىزى بالا سۇيە المايدى. ونىڭ نەگىزگى سەبەپتەرىنىڭ ءبىرى - ەركەكتەردىڭ رەپرودۋكتيۆتىك پروبلەمالارى بولىپ تابىلادى.
اۆتور: ءابۋ- اسقار مەكەش ۇلى
