جىل سايىن قازاقستاندا 16 مىڭ ازامات قاتەرلى ىسىك اۋرۋلارىنان كوز جۇمادى
بۇگىندە ەلىمىزدە ونكولوگيالىق دەرتتەردەن ءولىم- ءجىتىم دەڭگەيى جۇرەك- قانتامىرلارى اۋرۋلارىنان كەيىن ەكىنشى ورىندا تۇرعانىنا توقتالعان ول، «جىل سايىن قازاقستاندا وسى قاتەرلى ىندەتتەن 16 مىڭ ادام كوز جۇمادى. سوندىقتان دا قازىرگى كەزدە رەسپۋبليكانىڭ ونكولوگيالىق قىزمەتى الدىندا اتالعان دەرتكە شالدىققان ادامداردى دەر كەزىندە دياگنوستيكادان وتكىزۋ مەن ەمدەۋ ماسەلەسى ەرەكشە نازارعا الىندى» ، - دەدى.
ونىڭ سوزىنە قاراعاندا، ەلباسىنىڭ تاپسىرماسى بويىنشا ەلوردادا ۇلتتىق مەديتسينالىق حولدينگ بازاسىندا ۇلتتىق عىلىمي ونكولوگيا ورتالىعى قۇرىلادى. ورتالىق ونكولوگيا سالاسىندا الدىڭعى قاتارلى حالىقارالىق ورتالىقتاردىڭ ءبىرى بولماق. وسى باعىتتا بۇگىندە بىلىكتى شەتەلدىك ماماندار تارتىلۋدا، دەرتتى زەرتتەۋدىڭ الدىڭعى قاتارلى ادىستەمەلەرى ەنگىزىلىپ جاتىر.
سونىمەن قاتار گ. ءابدىقالىقوۆا «سالاماتتى قازاقستان» باعدارلاماسى اياسىندا وتاندىق جانە شەتەلدىك كلينيكالار بازاسىندا ەكى جۇزدەن استام ماماندى دايارلاۋ جوسپارلانعانىن اتاپ ءوتتى. ولاردىڭ اراسىندا ونكولوگتار، مەديتسينالىق فيزيكتەر، راديولوگتار، ينجەنەرلەر جانە باسقا دا قاجەتتى ماماندار قامتىلعان.
تاراتىلعان مالىمەتتەرگە قاراعاندا، قاتەرلى ىسىكتەن كوز جۇمعانداردىڭ 42 پايىزى ەڭبەككە قابىلەتتى جاستاعى ادامدار.
26 - قىركۇيەككە دەيىن جالعاساتىن سيمپوزيۋمعا ا ق ش، ەۋروپا جانە ت م د ەلدەرىنىڭ ونكولوگيالىق ورتالىقتارىنىڭ دارىگەرلەرى، دەنساۋلىق ساقتاۋ ۆەدومستۆولارىنىڭ ماماندارى، وسى سالاداعى عىلىمي قىزمەتكەرلەر قاتىسۋدا.
اۆتور: رۋسلان عابباسوۆ
