گاراجداعى 16 اۆتوموبيل ورتەنىپ كەتتى

استانا. قازاقپارات - سەيسەنبى كۇنى ماسكەۋدىڭ سولتۇستىگىندە شىققان ورتتەن 16 اۆتوموبيلدىڭ قاڭقاسى عانا قالدى، دەپ حابارلادى "ينتەرفاكس".

ءورت كوروۆين تاس جولىنداعى گاراج كەشەنىندە شىققان. قىزىل جالىن  350 شارشى مەتر اۋماقتى شارپىدى. 29 تەمىر گاراج وتقا وراندى. 10 كولىك پەن 5 گاز باللونى قاۋىپسىز جەرگە شىعارىلدى.

ەسكە سالا كەتەيىك، سەيسەنبى كۇنى ماسكەۋدىڭ سولتۇستىگىندەگى گاراجداردا ءورت شىقتى. ت ج تۋرالى حابار ساعات 13:20 ءتۇسىپ، ءتىلسىز جاۋ ساعات 16:25 اۋىزدىقتالدى. وعان 19 تەحنيكا مەن 76 قۇتقارۋشى جانە تىكۇشاقتار جۇمىلدىرىلدى.