پەرزەنتتەرىن ولدىگە ساناعان قوس انا اراعا 16 جىل سالىپ تۋعان بالالارىمەن قاۋىشتى

وبلىستىق بالالار ءۇيىنىڭ ەكى تاربيەلەنۋشىسى 16 جىلدان كەيىن تۋعان اتا-اناسىمەن قاۋىشقان. « مۇنىڭ ءبارى - اتا-انالاردى ىزدەستىرۋ باعىتىنداعى قارقىندى جۇمىستاردىڭ جەمىسى»، - دەيدى ماماندار.
«تاڭەرتەڭ ۇيقىدان ويانعاندا قاسىمدا انام وتىرسا عوي» - بۇل اتا-اناسىن مۇلدەم كورمەگەن 14 جاستاعى يۋني مامەرگوۆتىڭ ارمانى.
ول بولاشاقتا جاقسى ادام، بىلىكتى مامان بولىپ تۋعان اناسىنىڭ ونى ماقتان تۇتقانىن قالايدى. ال 17 جاستاعى نۇرگۇل يۋنيدىڭ تۋعان اپكەسىندەي بولىپ كەتكەن. ول بيىل مەكتەپ ءبىتىرىپ، ۇلكەن ومىرگە قانات قاققالى وتىر.
نۇرگۇل ابىشيەۆا، بالالار ءۇيىنىڭ تاربيەلەنۋشىسى:
- وسى بالالار ۇيىندە 10 جىل تۇرسام دا، مەنىڭ جەتىم ەكەنىمدى بىلدىرتكەن جوق. ويتكەنى ءوزىنىڭ مەيىرىمدىلىگى مەن قامقورلىعىن كورسەتتى. كوپ-كوپ راحمەتىمدى ايتامىن. ءبىراق تۋعان اكە-شەشەنىڭ ورنى بولەك قوي. كورەمىز بۇيىرسا، تابىلاتىن شىعار، ىزدەستىرەتىن شىعارمىن.
وبلىستىق بالالار ءۇيىنىڭ ديرەكتورى نەسىپ ءابىلوۆا - بالالاردىڭ تۋعان اتا-اناسىمەن تابىسۋىنا اتسالىسىپ جۇرگەن جانداردىڭ ءبىرى. ونىڭ ايتۋىنشا، تىنىمسىز ىزدەستىرۋ شارالارىنىڭ ناتيجەسىندە مۇندا سوڭعى جىلدارى 30 بالا ءوز وتباسىنا ورالعان.
ال جۋىردا پەرزەنتتەرىن ولدىگە ساناعان قوس انا اراعا 16 جىل سالىپ تۋعان بالالارىمەن قاۋىشتى. نەسىپ ءابىلوۆا، وبلىستىق بالالار ءۇيىنىڭ ديرەكتورى:
- «ءسىز نەگە بالانى تاستاپ كەتتىڭىز؟» دەگەندە كەزىندە بۇل بالانى ومىرگە اكەلۋگە قۇشتار بولعان جوقتىعىن، سوندىقتان تۇسىك تاستاتقاندىعىن ايتادى. ءبىراق دارىگەرلەردىڭ كومەگىمەن سول تۇسىك بالا امان-ساۋ قالىپ، كۇنى بۇگىن 16 جىلدان كەيىن ءوزىنىڭ اناسىمەن كەزدەسىپ تۇر.
سول بالا ءوزىنىڭ وتباسىنا ورالدى. وبلىستا اتا-انا قامقورلىعىنسىز قالعان بالالاردى تاربيەلەيتىن 3 مەكەمە بار. ونداعى جەتىمدەر سانى سوڭعى 3 جىلدا 3 ەسەگە ازايىپتى. ءبىر بالاعا زار بولعان ازاماتتارونداعان ءبۇلدىرشىندى باۋىرىنا باسقان.
دينارا جۇماشيەۆا، وبلىستىق ءبىلىم باسقارماسىنىڭ جەتەكشىسى:
- ارنايى اتا-انالار مەكتەبى اشىلدى، ياعني اتا-انالارمەن قازىر كوپ جۇمىستار جاسالىپ جاتىر. بالالار قورعانشىلىققا، قامقورشىلىققا كوپتەپ بەرىلۋدە. اتا-انامەن بىرلەسكەن جۇمىستاردىڭ ارقاسىندا بالالار ءوز وتباسىلارىنا ورالۋدا. 250 بالاعا ارنالعان وبلىستىق بالالار ۇيىندە قازىر 45 بالا تاربيەلەنىپ جاتىر. ۇلتىنا قاراماي بارلىعى 100 پايىز قازاقشا سويلەيدى. قازاقى تاربيە بەرىلەدى. سونداي-اق تۇگەل سپورتپەن شۇعىلدانادى. ءبىرشاما جەتىستىكتەرى بار.
تەك اتا-انانىڭ ايالى الاقانى مەن جۇرەك جىلۋى عانا جەتپەيدى.
اۆتورلارى: گۇلميرا ابىشيەۆا، سۇڭعات تولەبايەۆ
24.kz