بيىل يمپورت الماستىراتىن 165 جوبا ىسكە قوسىلادى - مينيستر قايىربەك وسكەنبايەۆ

نۇر-سۇلتان. قازاقپارات - بيىل يمپورت الماستىراتىن 165 جوبا ىسكە قوسىلادى.
None
None

بۇل تۋرالى بۇگىن ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى، دەپ حابارلايدى قازاقپارات ءتىلشىسى.

«بيىل 165 جوبا ىسكە قوسىلادى. ال قالعان 498 جوبا 2023-2026 -جىلدارى جۇزەگە اسىرىلادى دەپ جوسپارلاپ وتىرمىز. وسى جىلى ىسكە اسىرىلىپ جاتقان جوبالاردىڭ ينۆەستيتسيالارىنىڭ جالپى كولەمى - 1,7 تريلليون تەڭگە. كاپيتالدى بارىنشا قاجەت ەتەتىن، 820 ميلليارد تەڭگە كولەمىندەگى جوبالار اتىراۋ وبلىسىندا ىسكە اسىرىلاتىن بولادى. جوبالار سانىنىڭ از بولعاندىعىنا قاراماستان، اتاپ ايتساق 5 جوبا، ءبىر جۇمىس ورنىنا سالىنعان ينۆەستيتسيالار كولەمى 1 ميلليارد تەڭگەنى قۇرايدى. ينۆەستيتسيالاردىڭ ەڭ از كولەمى پاۆلودار وبلىسىنا تيەسىلى - 7,4 ميلليارد تەڭگە»، - دەدى قايىربەك وسكەنبايەۆ.

ونىڭ اتاپ وتۋىنشە، كاپيتالدى ەڭ از قاجەت ەتەتىن جۇمىس ورىندارىن قۇرۋ باتىس، سولتۇستىك قازاقستان، قوستاناي وبلىستارىندا بولادى. بۇل وڭىرلەردە ءبىر جۇمىس ورنىنا شامامەن 20-30 ميلليون تەڭگە جۇمسالادى.

«مەملەكەتتىك ورگاندار بولىنىسىندە جاعداي كەلەسىدەي: 2022 -جىلى يندۋستريا جانە ينفراقۇرىلىمدىق دامۋ مينيسترلىگى 107 جوبانى، اۋىل شارۋاشىلىعى مينيسترلىگى 46 جوبانى، ەنەرگەتيكا مينيسترلىگى - 5 جوبانى جانە دەنساۋلىق ساقتاۋ مينيسترلىگى 7 جوبانى ىسكە اسىرۋعا جاۋاپتى. جوبالار تولىق قۋاتىمەن جۇزەگە اسىرىلعان كەزدە 2,5 تريلليون تەڭگەنىڭ ءونىمى شىعارىلىپ، ەكسپورتتىڭ جالپى كولەمى 3,6 ميلليارد ا ق ش دوللارىن قۇرايدى دەپ جوسپارلانۋدا»، - دەدى مينيستر.

سوڭعى جاڭالىقتار