08:54, 15 - قاڭتار 2018 | GMT +5
تۇركيادا 160 جولاۋشىسى بار ۇشاق جار شەتىنە ءىلىنىپ قالدى - كەسكىن
استانا. قازاقپارات - تۇركيادا 160 جولاۋشىسى بار ۇشاق جار شەتىنە ءىلىنىپ قالدى. وقيعا Boeing 737-800 ۇشاعى قونعالى جاتقان كەزدە بولعان، دەپ جازادى «قازاقپارات» ح ا ا انادولۋ اگەنتتىگىنە سىلتەمەمەن.
Pegasus اۆياكومپانياسىنىڭ ۇشاعى ۇشىپ-قونۋ جولاعىنان شىعىپ كەتكەن. وقيعادان جاپا شەككەندەر جوق، بارلىق جولاۋشى قاۋىپسىز جەرگە شىعارىلعانى حابارلانادى. سونداي-اق، قۇتقارۋشىلار ءورت بولا قالسا، ونىڭ كوزىن جويۋ امالدارىن الدىن الا جاساعان. اپاتتىڭ نەدەن بولعانى انىقتالىپ جاتىر.
بولعان جاعدايعا بايلانىستى ترابزونا اۋەجايى ۋاقىتشا جابىلدى. قازىرگى ۋاقىتتا ول ءوز جۇمىسىن شتاتتىق جاعدايدا جۇرگىزىپ جاتىر. ساناۋلى ساتتەر بۇرىن ءبىر رەيس ىستانبۇلعا ۇشىپ كەتتى.
