كەلەسى جىلدان باستاپ 1600 ەلدى مەكەن گازبەن قامتاماسىز ەتىلەدى - ەلباسى

 استانا. قازاقپارات - كەلەسى جىلدان باستاپ ءبىز 1600 ەلدى مەكەندى گازبەن قامتاماسىز ەتۋدى جوسپارلاپ وتىرمىز. بۇل تۋرالى بۇگىن استانادا قازاقستاننىڭ ءۇ ي ي د مەملەكەتتىك باعدارلاماسى بويىنشا 2014 - جىلدىڭ 1 - جارتىجىلدىعىنىڭ ناتيجەلەرىن شىعارۋ بارىسىندا مەملەكەت باسشىسى ن. نازاربايەۆ ءمالىم ەتتى.
None
None

ونىڭ ايتۋىنشا، جۋىق ارادا ۇكىمەت ەلىمىزدى گازبەن قامتاماسىز ەتۋدىڭ 2030 - جىلعا دەيىنگى باس سىزبانۇسقاسىمەن تانىستىرادى.

«جۋىق ۋاقىتتا مەن ەلىمىزدى گازبەن قامتاماسىز ەتۋدىڭ 2030 - جىلعا دەيىنگى باس سىزبانۇسقاسىن كۇتىپ وتىرمىن. كەلەسى جىلدان باستاپ 1600 ەلدى مەكەندى گازبەن قامتاماسىز ەتۋدى جوسپارلاپ وتىرمىز. سونىڭ ناتيجەسىندە 12 ميلليون ادام گازبەن قامتىلادى دەپ كۇتۋدەمىز. بۇل ءبىز ءۇشىن وتە ماڭىزدى تاپسىرما بولىپ تابىلادى» ، - دەپ اتاپ ءوتتى ەلباسى.

ونىڭ مالىمەتىنشە، 2017 - جىلعا دەيىن مۇناي- گاز سەكتورىن دامىتۋ بويىنشا كەشەندى جوسپار قابىلداندى. «سونىڭ ناتيجەسىندە ءبىز مۇناي وڭدەۋ زاۋىتتارىندا مۇناي وڭدەۋدى 17,5 ميلليون تونناعا جەتكىزۋگە ءتيىسپىز. وسىلايشا مۇناي وڭدەۋ 5 ميلليون تونناعا ۇلعاياتىن بولادى. ال مۇناي تاسىمالداۋدى 98 ميلليون تونناعا جەتكىزۋ قاجەت. سونىمەن قاتار، گاز ءوندىرۋدى 35 ميلليارد تەكشە مەترگە جەتكىزۋ كەرەك. بۇل ەكونوميكامىز ءۇشىن وتە ماڭىزدى قادامدار» ، - دەپ اتاپ ءوتتى ق ر پرەزيدەنتى .

اۆتور: ءابۋ- اسقار مەكەش ۇلى

سوڭعى جاڭالىقتار