سەمەيدە 16 اۋلا مەن 6 ءۇيدى كارىز سۋى باسىپ قالدى
«6-اقپاندا ساعات 18.02 دە سەمەي قالاسىنداعى كوشەلەردىڭ بىرىندە د-1000 م م قۇبىر كارىز ديۋكەرى بىتەلىپ قالدى.
اپات بولعان ساتتەن باستاپ كوممۋنالدىق قىزمەتتەر اۆتوموبيل جولى مەن جەكە تۇرعىن ءۇي سەكتورىنىڭ بويىن ۇيىندىمەن بەكىتۋ جۇمىستارىن باستادى، سونداي-اق جەكە سەكتوردىڭ اۋلا اۋماقتارىنا كىرگەن سۋدى سورىپ شىعارۋ جۇمىستارىن جۇرگىزدى.
سونىمەن قاتار كارىز سۋى دەڭگەيىنىڭ كوتەرىلۋى جالعاسا بەرگەندىكتەن، قوسىمشا كۇشتەر مەن قۇرالداردى قالىپتاستىرۋ قاجەتتىلىگى تۋىندادى.
جەدەل شتاب ۇيىمداستىرىلىپ، اباي وبلىسى ت ج دەپارتامەنتىنىڭ كۇشتەرى مەن قۇرالدارى جانە ت ج م 68303 اسكەري ءبولىمىنىڭ اسكەري قىزمەتشىلەرى وقيعا ورنىنا اتتاندى.
7-اقپانداعى جاعداي بويىنشا، وقيعا ورنىندا توپىراق توگۋ، سونداي-اق كارىز قالدىقتارىن سورىپ شىعارۋ جۇمىستارى جۇرگىزىلىپ جاتىر» ، - دەلىنگەن اقپاراتتا.
ءمالىم ەتىلگەندەي، 16 اۋلا مەن 6 ۇيگە سۋ كىردى.
«ت ج م-نىڭ 68303 اسكەري ءبولىمى اسكەري قىزمەتشىلەرىنىڭ كۇشىمەن ۇيلەرگە سۋدىڭ قايتا كىرۋىنە جول بەرمەۋ ماقساتىندا ينەرتتى ماتەريالدار سالىنعان 600 دانادان استام قاپ توسەلدى. قاپتاردى توسەۋ جۇمىستارى جالعاسۋدا.
اپاتتى جويۋعا اكىمدىكتەن، ت ج د، ت ج م 68303 اسكەري بولىمىنەن 115 ادام جانە 46 بىرلىك تەحنيكا جۇمىلدىرىلدى»، - دەپ ناقتىلادى مينيسترلىكتەن.
