مەكسيكادا جول اپاتىنان 16 ادام قازا تاۋىپ، 36 سى جاراقات الدى
جەرگىلىكتى تۇرعىندار مەن ميگرانتتاردى الىپ بارا جاتقان اۆتوبۋس واحاكا مەن پۋەبلا شتاتتارى اراسىنداعى شەكاراعا جاقىن تاس جولدا تىركەمە جۇك كولىگىمەن سوقتىعىسقان، دەلىنگەن واحاكا پروكۋراتۋراسىنىڭ مالىمدەمەسىندە.
اپاتتان كەم دەگەندە سەگىز ەر ادام مەن سەگىز ايەل مەرت بولدى، ولاردىڭ اراسىندا كامەلەتتىك جاسقا تولماعان بالا بار. زارداپ شەككەندەر مەديتسينالىق كومەك كورسەتۋ ءۇشىن پۋەبلا شتاتىنىڭ اۋرۋحانالارىنا جەتكىزىلدى.
اپاتتىڭ سەبەبى ءالى بەلگىسىز. پروكۋرورلار وقيعانىڭ ءمان-جايىن انىقتاۋ ءۇشىن ساراپتامالىق تەرگەۋ جۇرگىزەتىنىن ايتتى.
واحاكا گۋبەرناتورى سالومون حارا كرۋس الەۋمەتتىك جەلىدە (Twitter) ءتيىستى ورگاندارعا «زارداپ شەككەندەرگە ىنتىماقتاستىق جانە قولداۋ كورسەتۋدى» تاپسىرعانىن جازدى.
«ءبىز قازا تاپقانداردىڭ وتباسىلارىنا كوڭىل ايتىپ، ولارعا بارىنشا قولداۋ كورسەتەمىز»، - دەپ جازدى ول.
