ايفون 15 قاشان شىعادى؟
Apple كومپانياسىنىڭ جاڭا ونىمدەرىنىڭ شىعۋ ۋاقىتى ءالى حابارلانعان جوق، الايدا Haitong Internation اناليتيكتەرىنىڭ مالىمەتتەرىنە ساي جاڭا ۇلگىلەردى 23-قىركۇيەكتە تانىستىرادى. باسقا نۇسقا بويىنشا، سمارتفون 10 كۇن بۇرىن تانىستىرىلادى، سەبەبى ا ق ش-تا ۇيالى وپەراتورلار قىزمەتكەرلەرىن وسى كۇندەرى دەمالىس الماۋلارىن سۇراپ جاتىر.
سمارتفوننىڭ ءتورت ۇلگىسى شىعادى دەپ كۇتىلىپ جاتىر: iPhone 15 ،iPhone ،15 Plus ،iPhone 15 Pro جانە جاڭا iPhone 15 Ultra.
iPhone 15 Ultra Pro Max ۇلگىسىن الماستىرۋى مۇمكىن. ينسايدەرلىك اقپارات بويىنشا، ۇلگىلەر جاڭا ءۇش تۇستە ۇسىنىلادى: جاسىل، اشىق سارى جانە القىزىل.
ينسايدەرلىك اقپارات بويىنشا، جاڭا تەلەفوندار پروتسەسسورلارىمەن ەرەكشەلەنەدى: Pro تۇرلەرىندە 3-نانومەترلىك Apple A17, ال بازالىق تۇرلەرىندە - بىلتىرعى A16 بولادى.
سونداي-اق جاڭا iPhone Lightning-تەن USB- C- كە قوسىلا الاتىن بولادى. بۇل 2024 -جىلى كۇشىنە ەنەتىن ەس جاڭا زاڭدارىنا سايكەس بولماق.
iPhone 15 تەلەفونىنىڭ باعاسى جايلى دا سىبىستار كوپ. Forbes باسىلىمىنىڭ ايتۋىنشا، ولاردىڭ باعاسى ءبىرشاما وسەدى. اناليتيك تيم لونگ iPhone 15 Pro جانە iPhone 15 Pro Max (Ultra) باعالارى سايكەسىنشە 100 جانە 200 دوللارعا وسەتىنىن ايتتى.
جاڭا تەلەفونداردىڭ باعاسى مىناداي بولۋى مۇمكىن:
iPhone 15 تەلەفونى 358391 تەڭگەدەن جوعارى؛
iPhone 15 Plus تەلەفونى 403246 تەڭگەدەن جوعارى؛
iPhone 15 Pro تەلەفونى 492956 تەڭگەدەن جوعارى؛
iPhone 15 Pro Max (Ultra) تەلەفونى 582666 تەڭگەدەن جوعارى.
Massaget.kz
