بۇگىنگى استانا - تۇركىستان رەيسى 15 ساعاتقا كەشىگىپ ۇشادى

استانا. قازاقپارات - FlyArystan ۇشاعى 29-شىلدە تۇنگى 00:55-تە ۇشۋعا ءتيىس كc7362 تۇركىستان - استانا رەيسى وندىرىستىك قاجەتتىلىككە بايلانىستى كەشىككەنىن ەسكە سالدى، دەپ حابارلايدى قازاقپارات.
None

رەيس تۇركىستان قالاسىنىڭ جەرگىلىكتى ۋاقىتى بويىنشا 29-شىلدە ساعات 16:30-دا ۇشادى دەپ جوسپارلانىپ وتىر.

«جولاۋشىلاردان تۇسىنىستىكپەن قاراۋدى سۇرايمىز جانە ۇشۋ قاۋىپسىزدىگى ءبىزدىڭ باستى پريوريتەتىمىز ەكەنىن ەسكە سالامىز» دەپ ءتۇسىندىردى كومپانيادان.

رەيس جولاۋشىلارىنا مىناداي كومەك بار:

- ەكى ساعاتتان ارتىق كەشىككەن كەزدە:

جولاۋشىلار الكوگولسىز سۋسىن، سونداي-اق بەس مينۋتتان اسپايتىن ەكى تەلەفون قوڭىراۋىن نەمەسە ەكى ەلەكتروندىق پوشتا حابارلاماسىن سۇراي الادى.

- ءتورت ساعاتتان ارتىق كەشىككەندە ىستىق تاماق ۇسىنىلادى.

- بەس ساعاتتان ارتىق كەشىككەندە ءبىر رەت تەگىن اۋەبيلەتتىڭ ۋاقىتىن وزگەرتۋ مۇمكىندىگى ۇسىنىلادى.

- بەس ساعاتتان ارتىق كەشىككەندە قايتا برونداۋ مۇمكىن بولماسا، جولاۋشىلار بيلەت قۇنىن تولىق قايتارىپ الا الادى.

- كۇندىزگى ۋاقىتتا 8 ساعاتتان ارتىق جانە تۇندە 6 ساعاتتان ارتىق كىدىرىس بولسا، جولاۋشىلارعا قونىستانۋعا، سونداي-اق قونىستانۋ جەرىنە دەيىن جانە كەرى قاراي ترانسفەر قاراستىرىلادى.

اتالعان ماسەلە بويىنشا جولاۋشىلاردان FlyArystan وكىلدەرىنە حابارلاسۋ كەرەك.


سوڭعى جاڭالىقتار