مەملەكەت باسشىسى ۇلتتىق نەيروحيرۋرگيا ورتالىعىن 15 جىلدىعىمەن قۇتتىقتادى
مەملەكەت باسشىسى اتىنان قۇتتىقتاۋدى ق ر پرەمەر- ءمينيستردىڭ ورىنباسارى، ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا وقىپ بەردى.
«سىزدەردى ۇلتتىق نەيروحيرۋرگيا ورتالىعىنىڭ قۇرىلعانىنا 15 جىل تولۋىمەن شىن جۇرەكتەن قۇتتىقتايمىن. وسى كەزەڭدە كلينيكا قازاقستانعا عانا ەمەس، بۇكىل ورتالىق ازيا وڭىرىندە نەيروحيرۋرگيا سالاسىنىڭ كوشباسشىسىنا اينالدى. سىزدەردىڭ قاجىرلى جۇمىستارىڭىزدىڭ ارقاسىندا ءبىزدىڭ وتانداستارىمىز ەڭ ۇزدىك الەمدىك پراكتيكا مەن مەن بىرەگەي جوعارى تەحنولوگيالىق ەمدەۋ ادىستەرىنە قول جەتكىزىپ وتىر. الەمدىك مەديتسينا قوعامداستىعى كەڭىنەن مويىنداعان سىزدەردىڭ عىلىمي جانە كاسىبي جەتىستىكتەرىڭىز وتاندىق مەديتسينانىڭ ساپالى ءوسۋىنىڭ جارقىن ۇلگىسى. قازىرگى تاڭدا ۇلتتىق نەيروحيرۋرگيا ورتالىعى بىلىكتىگى جوعارى مەديتسينا ماماندارىنىڭ شەبەرحاناسىنا، ولاردىڭ كاسىبي ءبىلىم مەن تاجىريبە الماسۋىنا قاجەتتى الاڭعا اينالدى. كلينيكانىڭ دارىگەرلەرى مەن بارلىق قىزمەتكەرى ادال ەڭبەك ەتىپ، ۇلتىمىزدىڭ ساۋلىعىن نىعايتۋعا زور ۇلەسىن قوسىپ كەلەدى. مەملەكەت دەنساۋلىق ساقتاۋ سالاسىن كەشەندى تۇردە دامىتىپ، مەديتسينا قىزمەتكەرلەرىنىڭ مارتەبەسىن كوتەرۋ جانە ولاردى جان- جاقتى قولداۋ بويىنشا جۇيەلى شارالاردى قابىلداپ كەلەدى. كەرەمەت حيرۋرگ جانە قازاقستاننىڭ ناعىز پاتريوتى سەرىك قۋاندىق ۇلى اقشولاقوۆ باستاعان نەيروحيرۋرگيا عىلىمي ورتالىعىنىڭ ۇجىمىنا اماندىق، پاتسيەنتتەردىڭ ءاردايىم ساۋ- سالامات بولۋىن جانە عىلىمي مەن مەديتسينا سالاسىندا جاڭا جەتىستىكتەرگە جەتە بەرۋدى تىلەيمىن»، - دەلىنگەن قۇتتىقتاۋ حاتىندا.
ايتا كەتەيىك، ەلوردادا وتاندىق نەيروحيرۋرگتاردىڭ V كونگرەسى ءوتىپ جاتىر.
اۆتور:
داۋلەت ىزتىلەۋ
