قار، بۇرقاسىن، كوكتايعاق: 15 وڭىردە ەسكەرتۋ جاريالاندى
استانا قالاسىندا تۇندە جانە تاڭەرتەڭ بۇرقاسىن كۇتىلەدى. سولتۇستىك- شىعىستان سوعاتىن جەل سولتۇستىك- باتىسقا اۋىسىپ، تۇندە جانە تاڭەرتەڭ ەكپىنى 15-20 م/س قۇرايدى.
الماتى وبلىسىنىڭ وڭتۇستىگى مەن شىعىسىندا قاتتى جاڭبىر بولادى. تاۋلى اۋدانداردا كەي ۋاقىتتا جاڭبىر مەن قار تۇرىندە قاتتى جاۋىن- شاشىن كۇتىلەدى. كۇندىز وبلىستىڭ وڭتۇستىگىندە، تاۋلى اۋداندارىندا نايزاعاي، بۇرشاق بولجانادى. جەلدىڭ كۇشى كەي ۋاقىتتا 24-29 م/س جەتەدى.
الماتى قالاسىندا وڭتۇستىك- باتىستان جەل سوعادى، كۇندىز ەكپىنى 15-20 م/س قۇرايدى.
ۇلىتاۋ وبلىسىنىڭ سولتۇستىگى مەن شىعىسىندا جاياۋ بۇرقاسىن، كوكتايعاق، باتىسىندا تۇمان كۇتىلەدى. جەلدىڭ ەكپىنى تۇندە وبلىستىڭ باسىم بولىگىندە، كۇندىز باتىسى مەن سولتۇستىگىندە 15-20 م/س قۇرايدى.
قىزىلوردا وبلىسىنىڭ سولتۇستىگى مەن ورتالىعىندا شاڭدى داۋىل تۇرادى. جەل سولتۇستىك- باتىستان، سولتۇستىكتەن سوعادى، كۇشى 25 م/س ارتۋى ىقتيمال. تۇندە وبلىستىڭ سولتۇستىگىندە، ورتالىعىندا 3 گرادۋس ۇسىك كۇتىلەدى.
تۇندە قاراعاندى وبلىسىنىڭ سولتۇستىگىندە قاتتى جاۋىن- شاشىن (جاڭبىر، قار) بولادى. ءوڭىردىڭ سولتۇستىگى مەن شىعىسىندا جاياۋ بۇرقاسىن، كوكتايعاق كۇتىلەدى. وبلىستىڭ باسىم بولىگىندە جەلدىڭ ەكپىنى 15-20 م/س بولادى، وڭتۇستىك پەن شىعىستا 23-28 م/س جەتۋى مۇمكىن.
جەتىسۋ وبلىسىنىڭ وڭتۇستىگى مەن شىعىسىندا قاتتى جاڭبىر جاۋادى. تاۋلى اۋدانداردا كەي ۋاقىتتا قاتتى جاۋىن- شاشىن (جاڭبىر، قار) كۇتىلەدى. كۇندىز وڭتۇستىكتە، تاۋلى اۋدانداردا نايزاعاي، بۇرشاق بولجانادى. جەلدىڭ جىلدامدىعى كەي ۋاقىتتاردا 23-28 م/س ارتادى.
اباي وبلىسىندا جاۋىن- شاشىن، تۇندە وبلىستىڭ سولتۇستىگىندە قاتتى جاۋىن- شاشىن (جاڭبىر، جىلبىسقى قار) كۇتىلەدى. وبلىستىڭ سولتۇستىگى مەن شىعىسىندا كوكتايعاق بولادى. جەلدىڭ ەكپىنى 23-28 م/س كۇشەيەدى.
تاڭەرتەن جانە كۇندىز پاۆلودار وبلىسىنىڭ سولتۇستىگىندە سولتۇستىك- باتىستان جەل سوعادى، ەكپىنى 15-20 م/س قۇرايدى.
شىعىس قازاقستان وبلىسىندا جاۋىن- شاشىن كۇتىلەدى. ءوڭىردىڭ سولتۇستىگى مەن شىعىسىندا جاڭبىر، جىلبىسقى قار تۇرىندە قاتتى جاۋىن كۇتىلەدى. وبلىستىڭ سولتۇستىگىندە كوكتايعاق بولادى. جەلدىڭ ەكپىنى 23-28 م/س ارتۋى مۇمكىن.
تۇندە اقتوبە وبلىسىنىڭ وڭتۇستىك- شىعىسىندا جاياۋ بۇرقاسىن كۇتىلەدى. سولتۇستىك- باتىستان جەل سوعادى، تۇندە وبلىستىڭ وڭتۇستىگىندە، شىعىسىندا ەكپىنى 15-20 م/س قۇرايدى.
تۇندە باتىس قازاقستان وبلىسىنىڭ سولتۇستىگىندە 3 گرادۋس ۇسىك كۇتىلەدى.
تۇندە قوستاناي وبلىسىنىڭ وڭتۇستىگىندە جاياۋ بۇرقاسىن، كوكتايعاق بولادى. وبلىستىڭ باتىسى مەن سولتۇستىگىندە تۇمان كۇتىلەدى. جەلدىڭ ەكپىنى 15-20 م/س قۇرايدى.
تۇندە سولتۇستىك قازاقستان وبلىسىنىڭ باتىسىندا، سولتۇستىگىندە، شىعىسىندا سولتۇستىكتەن جەل سوعادى، ەكپىنى 15-20 م/س قۇرايدى. ەكپىنى 23-28 م/س ارتۋى ىقتيمال.
اقمولا وبلىسىنىڭ وڭتۇستىك جارتىسىندا بۇرقاسىن، كوكتايعاق كۇتىلەدى. سولتۇستىك- شىعىستان سوعاتىن جەل سولتۇستىك- باتىسقا اۋىسادى، وبلىستىڭ وڭتۇستىگىندە، سولتۇستىگىندە، شىعىسىندا ەكپىنى 15-20 م/س قۇرايدى.
