15-ساۋىردەن باستاپ موبيلدى اۋدارىمدار سالىق ورگاندارىنىڭ باقىلاۋىنا الىنادى

نۇر- سۇلتان. قازاقپارات - ەرتەڭ ياعني، 15-ساۋىردەن باستاپ ق ر قارجى مينيسترلىگىنىڭ مەملەكەتتىك كىرىستەر كوميتەتى جەكە تۇلعالاردىڭ بانك شوتتارىنىڭ اراسىنداعى موبيلدى اقشا اۋدارىمدارىنا مونيتورينگ جۇرگىزە باستايدى، دەپ حابارلايدى قازاقپارات ءتىلشىسى.
None
None

«ق ر قارجى ءمينيسترىنىڭ ءتيىستى بۇيرىعىندا ءبىر ادامنىڭ جەكە تۇلعا رەتىندە اشقان بانك شوتىنا 3 ايدىڭ ىشىندە 100 جانە ودان دا كوپ ادامنىڭ بانك شوتىنان اقشا اۋدارىلعان بولسا، بۇل كاسىپكەرلىك قىزمەتتەن پايدا تابۋ بولىپ ەسەپتەلەتىنى ايتىلعان»، - دەلىنگەن كوميتەت حابارلاماسىندا.

كاسىپكەرلىك قىزمەتتى جۇزەگە اسىرۋدان تابىس الۋ بەلگىلەرى بار وپەراتسيالارعا جاتقىزۋ ولشەمشارتتارىنا مىنالار كىرەدى: 1 (ءبىر) جەكە تۇلعانىڭ قاتارىنان كۇنتىزبەلىك 3 ايدىڭ ىشىندە 100 (ءجۇز) جانە ودان دا كوپ ءارتۇرلى تۇلعالاردان كاسىپكەرلىك قىزمەتتى جۇزەگە اسىرۋعا ارنالماعان بانك شوتىنا اقشا قاراجاتىن الۋى»، - دەپ جازىلعان قۇجاتتا.

ايتا كەتسەك، سالىق كودەكسىنىڭ تالاپتارى بويىنشا، ەكىنشى دەڭگەيدەگى بانكتەر 2025 -جىلعا دەيىن سالىق ورگاندارىنا جەكە تۇلعالاردىڭ مالىمەتتەرىن كەزەڭ- كەزەڭىمەن بەرۋى كوزدەلگەن. بۇل پروتسەسس بىرنەشە سانات بويىنشا بىرنەشە كەزەڭمەن ىسكە اسىرىلماق.

1- كەزەڭ - 2022-جىلدىڭ 1-قاڭتارىنان باستاپ 2023 -جىلدىڭ 1-قاڭتارىنا دەيىن). بۇل كەزەڭدە مەملەكەتتىك قىزمەتىشلەر مەن ولاردىڭ جۇبايلارى، مەملەكەتتىك قىزمەتشىگە تەڭەستىرىلگەندەر مەن ولاردىڭ جۇبايلارى تۋرالى مالىمەتتەردى بەرەدى.

2-كەزەڭ - 2023-جىلدىڭ 1-قاڭتارىنان 2024 -جىلدىڭ 1-قاڭتارىنا دەيىن. بۇل ارالىقتا بيۋدجەتتىك سالا قىزمەتكەرلەرى مەن ولاردىڭ جۇبايلارى، كۆازيمەملەكەتتىك سەكتور قىزمەتشىلەرى مەن ولاردىڭ جۇبايلارى تۋرالى مالىمەتتەر بەرىلەدى.

3-كەزەڭ - 2024 -جىلدىڭ 1-قاڭتارىنان باستاپ 2025 -جىلدىڭ 1-قاڭتارىنا دەيىن. بۇل كەزەڭدە زاڭدى تۇلعالاردىڭ باسشىلارى مەن قۇرىلتايشىلارى، ولاردىڭ جۇبايلارى، جەكە كاسىپكەرلەر مەن ولاردىڭ جۇبايلارى تۋرالى مالىمەتتەر بەرىلەدى.

4-كەزەڭ - 2025 -جىلدىڭ 1-قاڭتارىنان باستالادى. بۇل كەزدە حالىقتىڭ قالعان ساناتتارى تۋرالى مالىمەتتەر بەرىلەدى.

«2023 -جىلى ەكىنشى دەڭگەيلى بان ك تەر مەن جەكەلەگەن بانك وپەراتسيالارىن ىسكە اسىراتىن ۇيىمدار 1-كەزەڭگە جاتاتىن تۇلاعالاردىڭ مالىمەتتەرىن وتكىزەدى دەپ جوسپارلانىپ وتىر. بۇل بۇيرىقتىڭ جەكە تۇلعالاردىڭ، پاراساتتى سالىق تولەۋشىلەردىڭ اراسىنداعى اقشا اۋدارىمدارىنا قاتىسى جوق ەكەنىن اتاپ وتەمىز. قۇجات سالىق مونيتورينگىنىڭ ساپاسىن ارتتىرۋعا، قازاقستان رەسپۋبليكاسى زاڭناماسىنىڭ ساقتالۋىنا جانە سالىق تولەۋدەن جالتارۋدىڭ الدىن الۋعا باعىتتالعان»، - دەپ جازىلعان كوميتەت تۇسىندىرمەسىندە.

ەسكە سالساق، اتالعان ولشەمشارتتار اقپان ايىندا «ەلەكتروندى ۇكىمەت» پورتالىندا كوپشىلىكتىڭ تالىقلاۋىنا شىعارىلعان بولاتىن.


سوڭعى جاڭالىقتار