پرەمەر- مينيستر الەۋمەتتىك ماڭىزى بار تاۋارلارعا 15 پايىز ۇستەمە باعانىڭ ساقتالۋىن باقىلاۋدى كۇشەيتۋدى تاپسىردى

None
None
نۇر- سۇلتان. قازاقپارات - 2022 -جىلعى 19 - ناۋرىزدا پرەمەر- مينيستر ءاليحان سمايىلوۆتىڭ توراعالىعىمەن مەملەكەت باسشىسىنىڭ تاپسىرمالارىن جانە قازاقستان رەسپۋبليكاسىنداعى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىل جوسپارىن ورىنداۋ بويىنشا كەزەكتى كەڭەس ءوتتى.

بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.

جىل باسىنان بەرى قازاقستاندا الەۋمەتتىك ماڭىزى بار ازىق- تۇلىك تاۋارلارىنىڭ باعاسى % 8- عا ءوستى. باعانىڭ ءوسۋى بارلىق وڭىرلەردە تىركەلدى. وڭىرلەر بويىنشا وتكەن اپتادا باعانىڭ ەڭ جوعارى ءوسۋى باتىس قازاقستان وبلىسىندا % 9,5- عا، اقتوبە وبلىسىندا - % 8,7- عا، پاۆلودار وبلىسىندا - % 7,1- عا جانە اتىراۋ وبلىسىندا - % 6,7- عا ورىن العان.

ق ر پرەمەر- ءمينيسترى ءاليحان سمايىلوۆ الەۋمەتتىك ماڭىزى بار ازىق- تۇلىك ونىمدەرى باعاسىنىڭ ايتارلىقتاي وسۋىنە جول بەرگەن ءبىرقاتار ءوڭىر اكىمدەرىنە ەسكەرتۋ جاسادى.


وبلىستا جىل باسىنان بەرى دە، ءبىر اپتا ىشىندە دە بارلىق ءامات بويىنشا باعانىڭ وسۋىنە جول بەرىلگەن، - دەدى ءاليحان سمايىلوۆ ب ق و اكىمىنە.

- بۇل حالىققا ەداۋىر قيىن. ءبىز ورالداعى كوپتەگەن دۇكەندى ارالادىق. قانت باعاسى ءبىر جەردە تومەن، ال ءبىر جەردە جوعارى. مەن ادامداردى ەلىمىزدىڭ بارلىق وڭىرىنە ارنايى جولدادىم. كەيبىر ساۋدا ورىندارىندا باعا 20 پايىزعا كوتەرىلگەن. ۇستەمە باعانى باقىلاۋ كەرەك، ونى ەشكىم قاداعالاماي وتىر.

پرەمەر- مينيستر قانت باعاسىنىڭ ءوسۋىنىڭ مىسالىندا وڭىردە ءا م ا ت باعاسىنا باقىلاۋ، بولشەك ساۋدا مارجاسىنىڭ 15 پايىزدان اسىپ كەتۋىنە جول بەرمەۋ مونيتورينگى جۇرگىزىلمەيتىنىن ايتتى. سونداي- اق، اقتوبە وبلىسىنىڭ اكىمىنە ەسكەرتۋ جاسالدى، وندا ەل بويىنشا باعانىڭ ەڭ جوعارى ءوسۋ كورسەتكىشتەرى تىركەلدى: كارتوپ بويىنشا % 32,8، ءسابىز بويىنشا % 38,3.

پرەمەر- ءمينيستردىڭ ايتۋىنشا، وتكەن اپتادا قازاقستان رەسپۋبليكاسىندا جەدەل رەيد شارالارىن وتكىزۋ كەزىندە الەۋمەتتىك ماڭىزى بار تاۋارلار باعاسىن نەگىزسىز كوتەرۋ فاكتىسى بويىنشا 5 مىڭ بۇزۋشىلىق انىقتالدى.

«جالپى بۇزۋشىلىقتار بار، - دەدى ءاليحان سمايىلوۆ. - ەگەر كوتەرمە باعا قىمباتتاسا، وندا ماسەلە باسقا. ءبىراق كوتەرمە باعا وزگەرمەسە جانە مارجا 2 ەسە نەمەسە ودان دا كوپ كوتەرىلسە، وندا ءبىز باعانىڭ نەگىزسىز وسكەنىن بايقايمىز. بۇعان جول بەرۋگە بولمايدى».


مەملەكەت باسشىسىنىڭ تاپسىرمالارىن ورىنداۋ ماقساتىندا ازىق- تۇلىكتىڭ تاپشىلىعى مەن باقىلاۋسىز قىمباتتاۋىن بولدىرماۋ ءۇشىن قازاقستان رەسپۋبليكاسىندا ازىق- تۇلىكتى تۇراقتاندىرۋ قورلارىن قالىپتاستىرۋ جۇرگىزىلۋدە.

2022 -جىلعى 17 - ناۋرىزداعى جاعداي بويىنشا ساۋدا وبەكتىلەرىنىڭ، وندىرىستىك كاسىپورىنداردىڭ، قويمالاردىڭ قۋاتىن، تۇراقتاندىرۋ قورلارىن قوسا العاندا، ءا م ا ت رەسپۋبليكالىق قورلارى: 421992 توننا كارتوپ، 70876 توننا ءسابىز، 103490 توننا پياز، 42860 توننا قىرىققابات، 11832 توننا قاراقۇمىق جارماسى، 29165 توننا كۇنباعىس مايى، 28005 توننا قانت جانە باسقا دا ونىمدەردى قۇرادى.

وتكەن اپتادا مونوپولياعا قارسى دەن قويۋ شارالارى شەڭبەرىندە قازاقستان رەسپۋبليكاسىندا باعانىڭ نەگىزسىز وسۋىنە جول بەرمەۋ، سونداي- اق ساۋدا ۇستەمەسىن %15- دان %10- عا دەيىن تومەندەتۋ تۋرالى 9 شارت جاسالدى.

اتاپ ايتقاندا، نۇر- سۇلتان قالاسىندا ۇن وندىرۋشىمەن، قاراعاندى وبلىسىندا ساۋدا جەلىلەرىمەن، قوستاناي وبلىسىندا قانت پەن قاراقۇمىق كوتەرمە جەتكىزۋشىلەرىمەن، اتىراۋ وبلىسىندا ءسۇت ونىمدەرى مەن تاۋىق جۇمىرتقالارىن وندىرۋشىلەرمەن، باتىس قازاقستان وبلىسىندا تاۋىق جۇمىرتقالارىن وندىرۋشىمەن شارتتار جاسالدى. بۇزۋشىلىق فاكتىلەرى بويىنشا وتكەن اپتادا 8 تەرگەۋ باستالدى.

قوستاناي وبلىسىندا تاۋىق ەتىن كوتەرمە جەتكىزۋشىسى «Опт Торг Company Plus» كومپانياسى بويىنشا؛ قاراعاندى، اقمولا، پاۆلودار، سولتۇستىك قازاقستان وبلىستارىندا تاۋىق جۇمىرتقاسىن وندىرۋشىلەر بويىنشا «قاراعاندى قۇس» ج ش س، «قۇرما اگروفيرماسى» ج ش س، «ۇشتوبە قۇس» ج ش س، «يجيەۆسكي» ج ش س، «پاۆلودار قۇس» ج ش س، «شارباقتى قۇس» ج ش س، «الەكري» ج ش س، «ادەل قۇس» ج ش س؛ ماڭعىستاۋ وبلىسىندا «قازازوت» ا ق اممياك سەليتراسىن ءوندىرۋشى بويىنشا؛ الماتىدا «قازفوسفات» ج ش س امموفوس ءوندىرۋشى بويىنشا؛ اقتوبە وبلىسىندا «كايس ينۆەست» ج ش س جانە «فيرما اس- ان» ج ش س كوتەرمە جەتكىزۋشىلەرى بويىنشا تەرگەۋ باستالدى.

كەڭەس قورىتىندىسى بويىنشا پرەمەر- مينيستر ساۋدا كوميتەتىنە كەزەكتى كەڭەستە وڭىرلەردە بەكىتىلگەن بولشەك ساۋدا ۇستەمەسىن ساقتاۋ مونيتورينگى بويىنشا اتقارىلعان جۇمىس قورىتىندىسى جانە بۇزۋشىلىقتاردىڭ نەگىزگى سەبەپتەرى تۋرالى بايانداۋدى تاپسىردى.

وڭىرلەردىڭ باسشىلارىنا الەۋمەتتىك ماڭىزى بار تاۋارلار باعاسىنداعى ەڭ جوعارى رۇقسات ەتىلگەن ۇستەمە اقىعا مونيتورينگ جۇرگىزۋ بويىنشا باقىلاۋ ءىس- شارالارىن كۇشەيتۋ جانە ءتيىستى شارالار قابىلداي وتىرىپ، باعا بەلگىلەۋدىڭ بارلىق تىزبەگى بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيالاردىڭ جۇمىسىن جالعاستىرۋ تاپسىرىلدى.

سونىمەن قاتار، پرەمەر- مينيستر وڭىرلەردىڭ باسشىلارىنا بولجامدى قاجەتتىلىكتەردى قامتاماسىز ەتۋ ءۇشىن ەرتە پىسەتىن كوكونىستەردى وتاندىق وندىرۋشىلەرمەن الدىن- الا كەلىسىم جاساسۋدى ۇسىندى.


سوڭعى جاڭالىقتار