نۇر- سۇلتانداعى 15 مىڭ وقۋشىعا تەگىن مەكتەپ فورماسى بەرىلمەك
اكسيا شەڭبەرىندە ەلوردا اكىمدىگى جەكەلەگەن ساناتتاعى بالالاردى مەكتەپكە دايىنداۋدا ماتەريالدىق كومەك كورسەتەدى. اكسيانى ەلوردا اكىمدىگى نۇر- سۇلتان قالاسىنىڭ كاسىپكەرلەر پالاتاسىنىڭ قاتىسۋىمەن ءۇشىنشى جىل قاتارىنان ۇيىمداستىرىپ كەلەدى.
«بيىل اكسيا اياسىندا جالپى سوماسى 600 ميلليارد تەڭگەگە مەكتەپكە 15 مىڭ وقۋشىنى دايىنداۋ جوسپارلانعان. «جالپىعا مىندەتتى ورتا ءبىلىم» اكتسياسىنا مەكتەپ فورماسى مەن اياق كيىم وندىرەتىن 18 وتاندىق تاۋار ءوندىرۋشى قوسىلۋعا نيەت ءبىلدىردى. قالا بويىنشا 30 ساۋدا نۇكتەسى جۇمىس ىستەيدى، وندا اتا- انالار ۇل- قىزدارعا ارنالعان مەكتەپ فورماسىن، سونىڭ ىشىندە جەيدە، بلۋزكا، سارافان، كوستيۋم (پيدجاك، كەۋدەشە، شالبار نەمەسە يۋبكا) ، جەمپىر ساتىپ الا الادى»، - دەپ حابارلادى نۇر- سۇلتان قالاسى كاسىپكەرلەر پالاتاسى ديرەكتورىنىڭ ورىنباسارى بەيسەن جولبولديەۆ.
ونىڭ حابارلاۋىنشا، بيىل ءار وقۋشىعا 40 مىڭ تەڭگەدەن بولىنەدى. ساتۋ جانە ەسەپ ايىرىسۋ BMC Sales پلاتفورماسى بازاسىندا BMC Vseobuch ارنايى قوسىمشاسى - «جالپىعا مىندەتتى ورتا ءبىلىم» جوباسىن اۆتوماتتاندىرۋ سەرۆيسى ارقىلى جۇرگىزىلەدى.
«BMC Vseobuch» سەرۆيسىنىڭ جاڭاشىلدىعى - ساتىپ الۋشىعا جەتكىزۋشىلەردىڭ تاۋارلارى مەن ساۋدا نۇكتەلەرىن، ساتىپ الۋ جانە تولەمدەر تاريحىن، سونداي- اق الەۋمەتتىك كارتاداعى بالانستىڭ قالدىعىن تەكسەرۋگە مۇمكىندىك بەرەدى.
«مەملەكەت اۋدارعان قاراجاتتى باسقا ماقساتقا جۇمساۋ مۇمكىن ەمەس. الەۋمەتتىك كارتوچكانى تولتىرىپ نەمەسە اقشانى قولما- قول شەشىپ الۋعا بولمايدى»، - دەپ اتاپ ءوتتى بەيسەن جولبولديەۆ.
باعدارلاما 11-تامىزدا باستالىپ، 31-قازاندا اياقتالادى. اكتسياعا قاتىسۋ ءۇشىن اتا- انا بالالار وقيتىن مەكتەپكە بارىپ، الەۋمەتتىك ستاتۋسىن راستاۋى ءتيىس، كەيىن بالانىڭ دەرەكتەرى اكسياعا جىبەرىلەدى.
«DANMARD كومپانيامىز «جالپىعا مىندەتتى ورتا ءبىلىم» اكتسياسىنا باسىنان قاتىسىپ جاتىر. اكتسيا ارقىلى كوپتەگەن الەۋمەتتىك ماسەلە شەشىلەدى: بالالاردىڭ كيىمى بۇتىندەلىپ، مەكتەپكە دايىن بولادى، وتاندىق وندىرۋشىلەر تاۋارىن ساتا الادى. وسىلايشا اقشالاي قاراجات قازاقستاندا قالادى دا كورشى ەلدەرگە ەمەس، ەكونوميكامىزدىڭ دامۋىنا جۇمسالادى. سوندىقتان ءبىز ەلوردا اكىمدىگى مەن نۇر- سۇلتان قالاسى كاسىپكەرلەر پالاتاسىنا جەرگىلىكتى بيزنەس قولداۋ مەن وتاندىق تاۋاردىڭ ىلگەرىلەۋىنە قوسقان ۇلەسى ءۇشىن العىس بىلدىرەمىز. مىقتى مەملەكەت مىقتى ەكونوميكا مەن ءوندىرىس نەگىزىندە قۇرالادى»، - دەيدى «DANMART» ج ش س ديرەكتورىنىڭ ورىنباسارى ديلارا ساندىبايەۆا.
پالاتا ديرەكتورى المات ءجۇنىسوۆتىڭ حابارلاۋىنشا، اكسياعا قاتىسۋعا نيەتتى وتاندىق تاۋار وندىرۋشىلەر سانى جىل سايىن ارتىپ كەلەدى. مىسالى 2019 -جىلى قاتىسۋشى سانى 9 بولسا، 2020 -جىلى - 16-عا جەتتى.
اكسيانى ەلوردا اكىمدىگى مەن نۇر- سۇلتان قالاسىنىڭ كاسىپكەرلەر پالاتاسى ءۇشىنشى جىل قاتارىنان وتكىزۋدە. 2019 -جىلى 12690 وقۋشىعا 30 مىڭ تەڭگەدەن ءبولدى. 2020 -جىلى بۇل سوما 13245 وقۋشىعا شاققاندا 40 مىڭ تەڭگەگە دەيىن ۇلعايتىلدى. جالپىعا مىندەتتى ورتا ءبىلىم اياسىندا كومەك كەلەسى ساناتتاعى مەكتەپ وقۋشىلارىنا كورسەتىلەدى:
- مەملەكەتتىك اتاۋلى الەۋمەتتىك كومەك (ا ا ك) الۋعا قۇقىلىعى وتباسىلاردىڭ بالالارى؛
- مەملەكەتتىك اتاۋلى الەۋمەتتىك كومەك المايتىن، جان باسىنا شاققانداعى تابىسى ەڭ تومەنگى كۇنكورىس دەڭگەيىنەن تومەن وتباسىلاردىڭ بالالارى؛
- ۇيدە تۇراتىن جەتىم بالالار جانە اتا- اناسىنىڭ قامقورلىعىنسىز قالعان بالالار؛
- توتەنشە جاعداي سالدارىنان شۇعىل كومەككە مۇقتاج وتباسىلاردىڭ بالالارى؛
- ءبىلىم بەرۋ ۇيىمىنىڭ القالى ورگانى ايقىندايتىن وزگە دە ساناتتاعى ءبىلىم الۋشىلار مەن تاربيەلەنۋشىلەر.
2021 -جىلى «جالپىعا مىندەتتى ورتا ءبىلىم» باعدارلاماسىنىڭ قاتىسۋشىلارى:
1. «SAMHAT اياق كيىم فابريكاسى» ج ش س
2. BMC Sales ساتىلىمداردىڭ سەرىكتەستىك جەلىسى» ج ش س ساۋدا كومپانياسى (مەكتەپ جانە بالالار كيىمىنىڭ تىگىن فابريكاسى)
3. «بايبوسىنوۆا» ج ك
4. «DANMARD» ج ش س
5. «ۆەستا» تىگىن سالونى» ج ش س
6. «Angelcher» ج ش س
7. «GLASMAN» ج ش س
8. «ALTEX» ج ش س
9. «گاۋحار» ج ش س «Bellasco» برەندىمەن
10. «Style-Z» ج ش س
11. سوكيركو س. ن. (Sens Fashion) ج ك
12. «CHEMPION» ج ك
13. «Alem Distribution» ج ش س
14. «سارا» ج ك
15. «Bizdin Forma» ج ش س
16. «Mimioriki « ج ش س
17. «وماروۆتار اتەلەسى» ج ش س «بولشيەۆيچكا» وندىرىستىك كووپەراتيۆى.
