قازاقپارات كۇنتىزبەسى: 15- ماۋسىم
اتاۋلى كۇندەر
بۇكىل الەمدىك جەل كۇنى
بۇل ايرىقشا مەرەكە ەۋروپا جەل ەنەرگەتيكاسى قاۋىمداستىعىنىڭ جانە دۇنيەجۇزىلىك جەل ەنەرگياسى جونىندەگى كەڭەستىڭ باستاماسىمەن بەلگىلەنگەن. ماقساتى - جۇرتشىلىق نازارىن جەل ەنەرگەتيكاسىنىڭ زور الەۋەتىنە اۋدارۋ. العاش رەت ەۋروپادا 2007-جىلى اتاپ ءوتتى. 2009-جىلى بۇكىل الەمدىك مارتەبەگە يە بولدى.
دۇنيەجۇزىلىك قارت ادامدارعا قاتىستى زورلىق-زومبىلىق تۋرالى اقپارات تاراتۋ كۇنى
كوپتەگەن ەلدەردە قارت ادامدارعا قاتىستى ءارتۇرلى قۇقىق بۇزۋشىلىقتار بار، سوندىقتان مۇنداي بۇزۋشىلىقتاردى جويۋ ماسەلەسىنە بۇكىل حالىقارالىق قوعامداستىقتىڭ نازار اۋدارعانى ءجون. وسىعان بايلانىستى بىرىككەن ۇلتتار ۇيىمىنىڭ باس اسسامبلەياسى 2011-جىلى قارت ادامدارعا قاتىستى زورلىق-زومبىلىق تۋرالى اقپارات تاراتۋعا ارنالعان دۇنيەجۇزىلىك كۇندى بەلگىلەدى جانە وسى كۇنى بارلىق ب ۇ ۇ- عا مۇشە ەلدەردى ەگدە جاستاعى ادامدار تۋرالى اقپاراتتار ارتتىرۋعا باعىتتالعان ءىس- شارالاردى وتكىزۋگە شاقىردى.
دۇنيەجۇزىلىك موتوتسيكليست كۇنى
دۇنيەجۇزىلىك موتوتسيكليست كۇنىن اتاپ ءوتۋ 1992-جىلدىڭ 22- شىلدەسىنەن باستالدى. سول كۇنى بىرنەشە ەلدىڭ ەنتۋزياستارى اۆتوكولىكتەرىن گاراجعا تاستاپ، جۇمىسقا موتوتسيكل جانە سكۋتەرلەرمەن باردى.
اۋەلدە بۇل كۇن Ride to Work Day دەپ اتالدى، ياعني اعىلشىن تىلىنەن اۋدارعاندا «جۇمىسقا موتوتسيكمەن»، كەيىنىرەك موتوتسيكليست كۇنىنە اينالدى.
2008-جىلعا دەيىن بۇل مەرەكە شىلدەنىڭ ءۇشىنشى سارسەنبىسىندە اتاپ وتىلەتىن، ءبىراق 2008-جىلدان باستاپ ماۋسىمنىڭ ءۇشىنشى دۇيسەنبىسىنە اۋىستى. بۇل كۇنى الەمدەگى موتوتسيكليستەرگە كليماتتىق جاعداي قولايلى بولۋى ءۇشىن اۋىستىرىلدى.
ەستە قالار وقيعالار
1993-جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن ءۇندىستان رەسپۋبليكاسىندا قازاقستان ەلشىلىگى اشىلدى.
1993-جىلى مۇگەدەكتەرگە مەملەكەتتىڭ قولداۋىن كورسەتۋ، ولاردىڭ ماسەلەلەرىنە نازار اۋدارتۋ ماقساتىندا، سونىمەن قاتار ب ۇ ۇ باس اسسامبلەياسىنىڭ ۇسىنىستارىن ەسكەرە وتىرىپ قازاقستان رەسپۋبليكاسىنداعى مۇگەدەكتەر كۇنى بەكىتىلدى. ول قازاننىڭ ەكىنشى جەكسەنبىسىندە اتاپ وتىلەدى.
1996-جىلى اباي شىعارمالارىنىڭ جيناعى يراندا پارسى تىلىندە باسىلىپ شىقتى.
1996-جىلى قازاقستان رەسپۋبليكاسى پرەزيدەنتىنىڭ وكىمىمەن ارحيۆ تۋرالى ەرەجە بەكىتىلدى. ق ر پرەزيدەنتىنىڭ ارحيۆى - ق ر پرەزيدەنتى جانە ونىڭ اكىمشىلىگىنىڭ مۇراعاتتىق قىزمەتىن قامتاماسىز ەتۋ سالاسىندا رەسپۋبليكالىق مەملەكەتتىك ورگان قىزمەتىن اتقاراتىن مەملەكەتتىك مەكەمە. ارحيۆتى ق ر پرەزيدەنتى اكىمشىلىگى باسقارادى.
2001-جىلى «شاڭحاي بەستىگىنە» وزبەكستان قوسىلدى، ناتيجەسىندە قازاقستان، رەسەي، قىتاي، تاجىكستان، قىرعىزستان مەن وزبەكستان باسشىلارىنىڭ «شاڭحاي ىنتىماقتاستىق ۇيىمى» قۇرىلدى.
2011-جىلى الماتىداعى م. ايقىمبايەۆ اتىنداعى قازاق كارانتيندىك جانە زوونوزدى جۇقپالار عىلىمي ورتالىعىنىڭ اۋماعىندا ورتالىق ازيا ەلدەرىندە تەڭدەسى جوق ورتالىق رەفەرەنتس- زەرتحاناسىنىڭ 4 قاباتتى عيماراتىنىڭ قۇرىلىسى باستالدى.
2011-جىلى بريۋسسەلدە قازاقستان دوستارىنىڭ ەۋروپالىق كلۋبىنىڭ اشىلۋ سالتاناتى ءوتتى. وعان ق ر پارلامەنتىنىڭ دەپۋتاتتارى، ەۋروپارلامەنت جانە ەۋروپا كەڭەسىنىڭ پارلامەنتتىك اسسامبلەياسىنىڭ مۇشەلەرى، ەۋروكوميسسيانىڭ، ە و- تىڭ باسقا ينستيتۋتتارىنىڭ رەسمي تۇلعالارى، بەلگيا پارلامەنتىنىڭ دەپۋتاتتارى قاتىستى. ولار كلۋبتىڭ قۇرىلۋى قازاقستان- ەۋروپالىق ىنتىماقتاستىقتىڭ ماڭىزدى كەزەڭى ەكەنىن جانە ەكىجاقتى ءوزارا ءىس-قيمىلدى ودان ءارى نىعايتۋعا ىقپال ەتەتىنىن اتاپ ءوتتى.
2012-جىلى الماتى قالاسىندا ءال-فارابي اتىنداعى قاز ۇ ۋ- دىڭ حالىقارالىق قاتىناستار فاكۋلتەتىندە بىرىككەن ۇلتتار ۇيىمىنىڭ ورتالىعى اشىلدى. ورتالىق ق ر توتەنشە جانە وكىلەتتى ەلشىسى، ەلىمىزدىڭ ب ۇ ۇ- داعى ءبىرىنشى تۇراقتى وكىلى، پروفەسسور اقمارال ارىستانبەكوۆانىڭ باستاماسىمەن قازاقستاننىڭ ب ۇ ۇ- عا كىرۋىنىڭ 20 جىلدىعىنا وراي جانە ق ر- داعى ب ۇ ۇ مەن قاز ۇ ۋ اراسىنداعى اكادەميالىق ىقپال ەتۋ تۋرالى مەموراندۋمعا قول قويىلعانىنا وراي اشىلدى.
2012-جىلى استاناعا ت م د ەلدەرىنىڭ مادەني استاناسى مارتەبەسىنە يە بولعاندىعىن راستايتىن سەرتيفيكات تابىستالدى.
2013-جىلى تالدىقورعان قالاسىنىڭ كورىكتى جەرلەرىنىڭ بىرىندە س س ر و حالىق ءارتىسى، مەملەكەتتىك سىيلىقتىڭ لاۋرەاتى مۇقان تولەبايەۆتىڭ قۇرمەتىنە ەسكەرتكىش اشىلدى.
2017-جىلى قازاقستان رەسپۋبليكاسىنىڭ حالىقارالىق جەكە قۇقىق بويىنشا گااگا كونفەرەنتسياسىنا قوسىلۋ ءراسىمى ءوتتى. نيدەرلاندى كورولدىگىنىڭ سىرتقى ىستەر مينيسترلىگىندە ق ر ەلشىسى ماعجان ءىلياسوۆ قازاقستانعا گااگا كونفەرەنتسياسىنىڭ جارعىسىن قابىلداۋ تۋرالى حابارلاپ، قوسىلۋ تۋرالى قۇجاتتى سالتاناتتى تۇردە ۇسىندى.
2018-جىلى ريمدە استانانىڭ 20 جىلدىعىن مەرەكەلەۋ اياسىندا العاش رەت «قازاق حاندىعى - الماس قىلىش»، «جۇلدىزدار وسىلاي پايدا بولدى» جانە «16 قىز» سىندى قازاقستاندىق فيلمدەردىڭ كورسەتىلىمى ۇسىنىلدى.
يتاليان تىلىندە كورسەتىلگەن فيلمدەر ريمدىكتەر مەن قالا قوناقتارىنىڭ قازاق تاريحىنا دەگەن ۇلكەن قىزىعۋشىلىعىن تۋدىردى. وعان قالانىڭ تاريحي ورتالىعىندا ورنالاسقان Casa del Cinema كينوتەاترىنا لىق تولعان كورەرمەن دالەل بولدى.
2019-جىلى دۋشانبەدە ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ (ا و س ش ك) V سامميتى باستالدى، وعان ق ر پرەزيدەنتى قاسىم-جومارت توقايەۆ قاتىستى. مەملەكەت باسشىسى ا و س ش ك وتىرىسىندا ءسوز سويلەپ، سامميت اياسىندا كاتار ءامىرى شەيح تاميم بەن حاماد ءال تانيمەن ەكىجاقتى كەزدەسۋ وتكىزدى.
ا و س ش ك سامميتى - ازيا مەن الەمدە بولىپ جاتقان ماڭىزدى پروتسەستەردى تالقىلاۋ، جاھاندىق قاۋىپ-قاتەرلەرگە ۋاقتىلى جانە لايىقتى جاۋاپ بەرۋ ءۇشىن بىرلەسكەن كۇش-جىگەردى شوعىرلاندىرۋ الاڭى.
