قازاقستان كاراتەدەن ازيا چەمپيوناتىندا 15 مەدال ەنشىلەدى

نۇر-سۇلتان. قازاقپارات - قازاقستاننىڭ كاراتە كومانداسى (كادەتتەر، جاس وسپىرىمدەر جانە 21 جاسقا دەيىنگىلەر) مالايزيانىڭ كوت-كينابالۋ قالاسىندا وتكەن ازيا چەمپيوناتىن 15 مەدالمەن اياقتادى، دەپ حابارلايدى قازاقپارات Olympic.kz سىلتەمە جاساپ.
None
None

دوداعا جالپى 33 ەلدىڭ 500 سپورتشىسى قاتىستى. ەڭ جاقسى ناتيجەگە جاپونيا جانە قازاقستان قۇرامالارى قول جەتكىزدى.

ءبىزدىڭ سپورتشىلار كۋميتە بويىنشا وزدەرىن كورسەتە الدى. فينالدا قازاقستاننىڭ 12 سپورتشىسى ونەر كورسەتتى. الايدا التىن مەدال تەك نيكيتا تارناكينگە بۇيىردى.

21 جاسقا دەيىنگى جاستار اراسىندا 75 كەلى سالماق ساناتىندا جاڭبىر بەيبارىس فينالدا جاپون سپورتشىسىن جەڭىپ، قۇراما قورجىنىنا تاعى ءبىر التىن مەدال سالدى.

جۇلدەگەرلەر قاتارىن بەكزادايەۆ يلياس (60 كەلى) پەن ۇسەنوۆا گۇلميرا (61 كەلى) تولىقتىردى.

«بىلتىر 5 التىن، جالپى 17 مەدال ەنشىلەپ ەدىك. مالايزياداعى چەمپيوناتتا 4 التىن، جالپى 15 مەدالمەن شەكتەلسەك تە، جالپى كوماندالىق ەسەپتە جاپونيادان كەيىنگى ەكىنشى ورىندى ساقتاپ قالدىق. ەرەسەكتەر اراسىنداعى جارىستارعا قوسىلىپ جاتقان سپورتشىلارىمىز قۋانتتى. دەگەنمەن، چەمپيونات كەمشىلىكتەرىمىزدى ايقىن كورسەتىپ بەردى، ولاردى جويۋ ءۇشىن باپكەرلەر شتابى جۇمىس ىستەيدى»، - دەيدى كوماندانىڭ باپكەرى شاتتىق قاجىمۇقان.

سوڭعى جاڭالىقتار