رەسەي ازاماتى 15 جىل بويى قازاقستاننان زەينەتاقى الىپ كەلگەن

قوستاناي. قازاقپارات - قوستاناي قالاسىنىڭ №2 -سوتىندا قازاقستان مەن رەسەي فەدەراتسياسىنان بىردەي زەينەتاقى الىپ كەلگەن رەسەي ازاماتىنا قاتىستى ءىس قارالدى، دەپ حابارلادى قازاقپارات وبلىستىق سوتتىڭ باسپا ءسوز قىزمەتىنە سىلتەمە جاساپ.

ءىس دەرەكتەرىنە سۇيەنسەك، زەينەتكەر 2000 -جىلى ر ف چەليابى وبلىسىنىڭ زەينەتاقى قورىنىڭ تىزىمىنە الىنعان.

«ول 2003 -جىلى ق ر زاڭناماسىندا كورسەتىلگەندەي، زەينەت جاسىنا جەتكەن سوڭ «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قوستاناي وبلىسىنداعى فيليالىنا جاسى بويىنشا زەينەتاقى بەرۋ ءۇشىن ءوتىنىش جازادى. وتىنىشىندە باسقا ت م د ەلدەرىندە زەينەتاقى جارنالارىنىڭ تۇسىمدەرىنىڭ جوعىن كورسەتەدى. وسىلايشا، ول كورپوراتسيا قىزمەتكەرلەرىن الداعان»، - دەلىنگەن وبلىستىق سوتتىڭ باسپا ءسوز حابارلاماسىندا.

بەلگىلى بولعانداي، ول 2003 -جىلدىڭ ناۋرىز ايىنان 2018 -جىلدىڭ ناۋرىزىنا دەيىن 15 جىل بويى زاڭسىز اقشا الىپ كەلگەن. ول وسى ۋاقىت ارالىعىندا 3968718 تەڭگە قاراجات جىمقىرعان.

ەندى ول ق ر ق ك 190-بابى، 3-بولىگى، 1-تارماعى بويىنشا سوت الدىندا جاۋاپ بەرەدى.