پاۆلوداردا قوقىس جاشىگىنەن ارداگەرلەردىڭ 15 مەدالى تابىلدى

28 -ءساۋىر كۇنى «تۇلپار» س ءۇ-نىڭ دالا سىپىرۋشىسى قوقىس جاشىگىنەن ءبىرتۇرلى قالتا تاۋىپ الىپ، ونى ساۋدا ءۇيىنىڭ تەحنيكالىق قىزمەتكەرلەر بويىنشا اۋىسىم مامانى ءاليا سالىمبايەۆاعا بەرگەن.
«مەدالدار فايلدىڭ ىشىندە بولدى. مۇمكىن ولاردى قولدى ەتكەن ادام ساتا الماي قۇتىلۋدىڭ امالىن ىزدەپ، وسىندا تاستاي سالعان بولار. باقىلاۋ كامەرالارى سول جەردە ورنالاسپاعاندىقتان، باعالى زاتتاردى كىم تاستاعانىن كورە المادىق. توسبەلگىلەردىڭ يەسىن نەمەسە ونىڭ جاقىندارىن تاپقىمىز كەلەدى. مەن الەۋمەتتىك جەلىلەردە حابارلاما بەرگەنمىن، ءبىراق جاۋاپ جوق. سوندىقتان جاقىن ارادا ولاردى قۇقىق قورعاۋ ورگاندارىنا تاپسىرامىن»، - دەدى ءاليا سالىمبايەۆا.
ساۋدا ءۇيى قىزمەتكەرىنىڭ ايتۋىنشا، فايلدىڭ ىشىندە 15 مەدال بولعان. ولاردىڭ كەيبىرەۋى بىرنەشە دانادان. توسبەلگىلەر بىرنەشە ارداگەرگە تيەسىلى بولۋى مۇمكىن.
فوتو: ءاليا سالىمبايەۆا