قازاقستاندىق شاڭعىشىلار 15 وليمپيادا ليتسەنزياسىن ۇتىپ الدى

استانا. قازاقپارات - قىسقى وليمپيادا ويىندارىنا قازاقستان قۇراماسى شاڭعى سپورتى تۇرلەرىنىڭ 15 ليتسەنزياسىن جەڭىپ الدى، دەپ حابارلايدى Qazsport تەلەارناسى.

ونىڭ ىشىندە شاڭعى جارىسىندا 6 ليتسەنزيا (2 ەر، 2 قىزدار اراسىندا، 2 جالپى كوماندالىق). سونىمەن قاتار، 3 ليتسەنزيادان فريستايل-موگۋل (2 ەر، 1 قىزدار اراسىندا) مەن فريستايل-اكروباتيكا (3 قىزدار اراسىندا) بويىنشا اق وليمپيادادا ەل سپورتشىلارى ونەر كورسەتەتىن بولادى.

سونداي-اق، بازالىق كۆوتالار: تاۋ شاڭعىسى 2 ليتسەنزيا (1 ەرلەر، 1 ايەلدەر اراسىندا) جانە ترامپليننەن سەكىرۋ سپورتى بويىنشا ەرلەر اراسىنداعى ءبىر ليتسەنزيا بار.

قازاقستاندىق سپورتشىلار وليمپيادا ويىندارىندا شاڭعى قوسسايىسى، سنوۋبورد جانە فريستايلدىڭ سكي-كروسس، حافپايپ، سلوۋپستايل تۇرلەرى بويىنشا قاتىسپايدى.

ەستەرىڭىزگە سالا كەتەيىك، قازاقستان قۇراماسى قىسقى وليمپيادادا سپورتتىڭ 9 تۇرىنەن ەل نامىسىن قورعايدى. قىسقى وليمپيادا ويىندارى 9-25- اقپان ارالىعىندا وڭتۇستىك كورەيانىڭ پحەنچحان قالاسىندا وتەدى.