الەم بارىسى اتانعان ايبەككە 15 ميلليون تەڭگە تابىستالدى
دودانىڭ العاشقى 10 - ورنىن جەڭىپ العان بالۋاندار ماراپاتقا يە بولدى. ولاردىڭ قاتارىندا قازاقستاندىق ەلامان ەرعاليەۆ، رەسەيلىك رۇستەم ارسلانوۆ، وزبەكستاندىق مۋحسين حيسوميددينوۆ، موڭعوليالىق سەرىك بەردىمۇرات، ارمەنيالىق اكوب اراكەليان بار. جۇلدەلى ءۇشىن ورىن قازاقستان نامىسىن قورعاعان ەرجان شىنكەيەۆكە بۇيىرىپ، وعان قولا بەلدىكپەن بىرگە 3 ميلليون تەڭگە تابىس ەتىلدى. كۇمىس بەلدىككە يە بولعان گرۋزيالىق گۋرام تۋشيشۆيلي 5 ميلليون تەڭگە الدى. ال ءبىرىنشى ورىندى قانجىعاسىنا بايلاعان ايبەك نۇعىماروۆقا التىن بەلدىكپەن قاتار 15 ميلليون تەڭگە تابىستالدى.
ق ر ەنەرگەتيكا ءمينيسترى، حالىقارالىق قازاق كۇرەسى فەدەراتسياسىنىڭ پرەزيدەنتى قانات بوزىمبايەۆ پەن «قازاقستان بارىسى» قازاق كۇرەسىن دامىتۋ قورى قامقورشىلىق كەڭەسىنىڭ ءتوراعاسى ارمان شورايەۆ «الەم بارىسى» اتانعان ايبەككە التىن بەلدىكتى تاقتى. ەسكە سالا كەتسەك، «الەم بارىسى» دوداسىنا الەمنىڭ قىرىققا جۋىق ەلىنەن 43 بالۋان ءوزارا باق سىناسقان بولاتىن. قازاقستان تاريحىندا ەكىنشى مارتە ۇيىمداستىرىلىپ وتىرعان سايىس الەمنىڭ 100 ەلىندە تىكەلەي ەفيردەن كورسەتىلدى.
اۆتور: ايان بەكەن ۇلى