تەڭىز جاعاسىنان ۇزىندىعى 15 مەتر بەيتانىس تىرشىلىك يەسى تابىلدى - كەسكىن

استانا. قازاقپارات - يندونەزيا تۇرعىندارى تەڭىز جاعاسىنان ۇزىندىعى 15 مەتر بەيتانىس تىرشىلىك يەسىن تاپتى.

 بەيتانىس تىرشىلىك يەسىنىڭ قالدىقتارى يندونەزيانىڭ قاراۋسىز قالعان جاعالاۋىندا تابىلدى، دەپ حابارلايدى قامشى اقپاراتتىق اگەنتتىگى life.ru-عا سىلتەمە جاساپ. ۇزىندىعى 15 مەتردى قۇرايتىن، ال ەنى 2 مەتر تىرشىلىك يەسىنىڭ قاڭقاسىن جەرگىلىكتى تۇرعىن اسرۋل تۋاناكوتا سەرام ارالىنىڭ سولتۇستىك جاعالاۋىنان تاپقان. 37 جاستاعى تۋاناكوتانىڭ ايتۋى بويىنشا، باستاپقىدا بەلگىسىز تىرشىلىك يەسىن قايىق دەپ ويلاعان. ءبىراز ۋاقىت وتكەن سوڭ بەلگىسىز گيگانتتىڭ تابىلعان جەرىنە جەرگىلىكتى تۇرعىندار جينالا باستاعان. كەيبىر تۇرعىنداردىڭ ويىنشا بۇل الىپ كالماردىڭ نەمەسە كيتتىڭ قالدىعى. جەرگىلىكتى تۇرعىندار الىپ گيگانتتىڭ ءمايىتى ارالدا قالماۋىن سۇراپ بيلىك باسىنداعىلارعا حابارلاسقان.