سىرت كەلبەتىڭىزگە زيانى زور 15 ادەت

نۇر-سۇلتان. قازاقپارات - سىرت كەلبەتىمىزدىڭ ءار جاستاعى كورىنىسى گەنەتيكامەن تىعىز بايلانىستى.

دەسە دە ول ىقپال ەتۋشى جالعىز فاكتور ەمەس - ءبىز قارتايۋ پروتسەسىنە ايتارلىقتاي اسەر ەتە الامىز.

بۇل رەتتە جاستىعىڭىزدى ۇرلايتىن، دەسە دە ءبىز ءۇشىن زيانسىز كورىنەتىن ادەتتەر ءتىزىمىن قۇردىق.

1. شاشتى تىعىز بۋۋ

شاشتى تۇبىرىنەن تىعىز بۋۋ كەلەشەكتە شاشتىڭ تۇسۋىنە الىپ كەلۋى مۇمكىن. شاشاڭىزدىڭ ساۋلىعىن ساقتاعىڭىز كەلسە، مۇنداي شاش ۇلگىسىن وزگە تۇرلەرىنە الماستىرعان ءجون.

2. ءسۇتتى كوپ ءىشۋ

ارينە، سۇتتەن مۇلدەم باس تارتۋدىڭ قاجەتى جوق. الايدا بۇل ءونىمدى شامادان تىس مولشەردە تۇتىنۋدىڭ زيانىن ءبىلۋىمىز كەرەك. ءسۇتتىڭ قۇرامىندا ماي بەزدەرىنىڭ قىزمەتىن بەلسەندىرەتىن اندروگەندەر بار. ناتيجەسىندە تەرىدە ماي كوپ ءبولىنىپ، ساڭىلاۋلاردى بىتەپ، تەرىنى ناشار، مايلى كورسەتەدى.

3. كۇننەن قورعايتىن ءيىسماي

كوپتەگەن ايەل كۇننەن قورعايتىن ءيىسمايدى جىل بويى جاعۋعا ادەتتەنگەن. دەسە دە قول كۇتىمى جونىندە ءجيى ەستەن شىعارادى. قول تەرىسى تەز قارتايادى جانە ماي جوعالتادى. ال ۋلتراكۇلگىن ساۋلەلەر تەرىدە داق پەن ءاجىم قالدىرادى. ەگەر تەمىر تۇلپاردى ءجيى تىزگىندەيتىن بولساڭىز، قولعا ارنالعان كۇننەن قورعايتىن ءيىسماي قولدانىڭىز. ال جاز ماۋسىمىندا ءيىسمايدى مويىن مەن كەۋدەڭىزە جاعۋدى ۇمىتپاڭىز.

4. اياقتى ايقاستىرىپ وتىرۋ

اياقتاعى كوكتامىرلاردىڭ كەڭەيۋى - قان تامىرلارىنىڭ قىسىلىپ، قاناينالىمىنىڭ بۇزىلعاندىعىنىڭ بەلگىسى. ايتپاقشى، اياقتى ايقاستىرىپ وتىرۋ كىشى جامباس اۋماعىندا قان جۇرمەي قالۋىنا اكەلەدى. ال ول ايەلدەر ءۇشىن (اسىرەسە، جۇكتى ايەلدەرگە) وتە زيان. ءوزىڭىزدى ۇنەمى قاداعالاۋ وڭاي ەمەس، ەسەسىنە، وزىڭىزگە ىڭعايلى كومپيۋتەرلىك ورىندىق ساتىپ الىپ، كەز-كەلگەن اياعىڭىزدى جوعارىعا قويىپ وتىرا الاسىز.

5. سۋ شاشتى تاراۋ

مۇنداي شارادان كەيىن شاش ۇشتانىپ كەتەدى. بۇل شاش كۇتىمىندە ءجيى جىبەرىلەتىن قاتەلىك. شاشىڭىزدى كەزەكتى رەت زاقىمداعىڭىز كەلمەسە، الدىمەن سۇلگىمەن سۋىن قۇرعاتىپ الىپ، ارتىنان فەنمەن كەپتىرىڭىز. تەك وسىدان كەيىن عانا قولىڭىزعا تاراق الۋىڭىزعا بولادى.

6. وپا-دالاپ جاعار الدىندا قاس جۇلۋ

ەگەر ىسكەكتىڭ كومەگىمەن قاسىڭىزدىڭ ءپىشىنىن تۇزەگىڭىز كەلسە، مۇنى كەشكىلىك، بەتىڭىزدى جۋعاننان كەيىن عانا جاساعانىڭىز دۇرىس. وسى ارقىلى باكتەريالار ءتۇسۋ قاۋپىن تومەندەتەسىز جانە قاس توڭىرەگىندەگى تەرى تىتىركەنبەيدى.

7. شاش ساندەۋگە ارنالعان قۇرالدار

شاشىڭىزعا جوعارى تەمپەراتۋرا اسەر ەتكەن كەزدە (فەن، شاشقا ارنالعان ۇتىك)، شاش ىشىندە ۇساق كوپىرشىكتەر پايدا بولادى. بۇل كوپىرشىكتەر شاشتاردى قۇرعاق ءارى سىنعىش ەتەدى. ال وعان جول بەرمەس ءۇشىن، فەندى شاشىڭىزدان 15 س م قاشىقتىقتا ۇستاڭىز. مىندەتتى تۇردە تەرموقورعاۋدى قولدانىپ، تەمپەراتۋراسىن ورتاشا دەڭگەيگە قويىڭىز.

8. كوزدى ۋقالاۋ

بۇل زياندى ادەت سالدارىنان كىرپىگىڭىز زارداپ شەگەدى. ولار سىنعىش ءارى ءجيى تۇسەتىن بولادى. سونىمەن قاتار كوز استىنداعى تەرىگە زاقىم كەلتىرەسىز. كوپ ۋقالاعاننان تەرى قىزارىپ، ءتۇرىڭىز شارشاڭقى كورىنەدى. كوزىڭىزدى ۋقالاۋدىڭ ورنىنا «20-20-20» ءادىسىن قولدانىڭىز: ءار 20 سينۋت سايىن 20 سەكۋند بويى الىسقا قاراپ تۇرىڭىز.

9. وكپە- رەنىش ساقتاۋ

2005 -جىلى Behavioral Medicine جۋرنالىندا جاريالانعان زەرتتەۋ جۇمىسى كەشىرىم مەن دەنساۋلىق اراسىندا تىعىز بايلانىس بار ەكەندىگىن كورسەتتى. ەگەر ەسكى وكپە- رەنىشتەردى ۇمىتا الماي، ىشتە ساقتاساڭىز، ەرتە قارتاياسىز. رەنجىگەن ۋاقىتتا دەنەڭىزدە كۇيزەلىس گورمونى (كورتيزول) جيناقتالادى. ول ارتىق سالماق جيناۋعا اسەر ەتىپ، قان قىسىمى مەن قانداعى قانت مولشەرىن ارتتىرادى. ءوز كەزەگىندە ول سۋسامىردىڭ دامۋىنا الىپ كەلەدى.

10. بەتتى ءجيى ۇستاۋ

جاعىڭىزدى تايانۋ، مۇرىنىڭىزدى قاسۋ، يەگىڭىزدى ۋقالاۋ سىندى ادەتتەردى ءجيى جاسايتىنىڭىزدى ۋاقىت وتە كەلە بايقاماي دا قالاسىز. ونىڭ زيانى ەكى ەسە: تەرىنى ۇنەمى سوزعىلاۋ ەرتە ءاجىم تۇسۋىنە ىقپال ەتسە، كىر قولىڭىزبەن بەتىڭىزدى ءجيى ۇستاۋ تەرى اۋرۋلارى، بەزەۋ پايدا بولۋىنا الىپ كەلەدى. بۇل ادەتتەردەن ارىلۋ ءۇشىن ءوزىڭىزدى قاتاڭ باقىلاۋعا الۋىڭىز كەرەك.

11. بەتكە ءجيى وپا جاعۋ

بەت تەرىسى مايلانعان سايىن كۇنىنە بىرنەشە وپا جاعۋ - تەرىڭىزگە جاسالاتىن ۇلكەن قاستاندىق. ول بىرنەشە قابات وپادان كەيىن بەتىڭىزدىڭ قالاي كورىنەتىندىگىمەن ەمەس، تەرىدەگى ساڭىلاۋلاردىڭ قاتتى بىتەلۋىمەن بايلانىستى. نە ىستەۋ كەرەك؟ الدىمەن بەتىڭىزدى كۇڭگىرتتەندىرەتىن مايلىقپەن دىمقىلداڭىز. مۇنان كەيىن دە وپا جاعۋ قاجەتتىلىگى تۋىنداسا عانا قولدانۋعا بولادى.

12. سومكەنىڭ «قوقىس» جاشىگىنە اينالۋى

ەگەر سومكەڭىزدەن قولشاتىردان باستاپ، ارتىق اياق كيىم مەن كىتاپقا دەيىن قاجەتتىنىڭ بارلىعى تابىلسا، سىمباتىڭىزدىڭ زارداپ شەگەتىنى انىق. سوندىقتان سومكەنى ەكى يىعىڭىزدى ءجيى الماستىرىپ ۇستاۋدى ەستەن شىعارماعايسىز.

13. بەت تەرىسىن نارلەندىرەتىن ءيىسمايدى كوپ قولدانۋ

ەگەر شامادان كوپ مولشەردە جانە ءجيى قولدانساڭىز، ساپالى دەگەن ءيىسمايلاردىڭ ءوزى تەرىڭىزگە زيان كەلتىرەدى. ءيىسمايدى كوپ مولشەردە جاعۋعا بولمايدى. مۇنداي قاباتتىڭ استىنداعى تەرى دەمالا المايدى. ناتيجەسىندە بەتىڭىز ءىسىنىپ، كوز استى اۋماعىنداعى تەرى كۇلدىرەيدى. ارتىق ءيىسمايدى مىندەتتى تۇردە مايلىقپەن ءسۇرتىپ الۋ قاجەت.

14. كوپ جۇگىرۋ

دارىگەرلەردىڭ پىكىرىنشە، دەنە بەلسەندىلىگىنىڭ بۇل تۇرىمەن اۋەستەنۋ تەرى قارتايۋىن جىلدامداتۋعا اسەر ەتەدى. ەگەر ءسوز تاڭەرتەڭگى جەڭىل جۇگىرىس جونىندە بولسا، ونىڭ پايداسىنان وزگە زيانى جوق.

15. جاڭا سىعىلعان شىرىندى كوپ مولشەردە ءىشۋ

بالعىن جەمىس- جيدەكتەر، كوكونىستەر ەركىن راديكالدارمەن كۇرەسەتىن انتيوكسيدانتتارعا باي. ءبىراق شىرىن قۇرامىندا فرۋكتوزا مولشەرى كوپ. قانت مولەكۋلالارى قان ارقىلى اعزاڭىزدىڭ بارلىع جاسۋشالارىنا تاراپ، مايلار، اقۋىزدارمەن ارەكەتتەسەدى. قانت كوللاگەنمەن ارەكەتتەسكەن كەزدە ورىن الاتىن پروتسەس ءاجىم پايدا بولۋىنا الىپ كەلەدى. ال جاسىل كوكونىستەر قۇرامىندا انتيوكسيدانتتار مەن تسينك كوپ مولشەردە كەزدەسەدى. ولار ءاجىم ءتۇسۋىنىڭ الدىن الادى.