جىل باسىنان بەرى ەلىمىزگە 15 مىڭعا جۋىق ورالمان كەلدى

استانا. قازاقپارات - 2016 - جىلعى 1- شىلدەدەگى مالىمەتتەرگە سايكەس رەسپۋبليكاعا 6840 وتباسى نەمەسە  14947 ەتنيكالىق قازاق كوشىپ كەلىپ، ورالمان مارتەبەسىن الدى،

 دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.

 «قازاقستانعا كەلگەن ورالمانداردىڭ كوپشىلىگى، ياعني، 66,7 پايىزى - وزبەكستاننان كەلگەن، سونداي- اق، 23,6 پايىزى - قىتايدان، 4,2 پايىزى - تۇرىكمەنستاننان، 2,4 پايىزى - موڭعوليادان جانە 3,1  پايىزى - وزگە ەلدەردەن ورالعان قانداستارىمىز»، دەلىنگەن حابارلامادا.

ورالمانداردىڭ باسىم بولىگى الماتى وبلىسىنا- 2364 وتباسى (4729 ادام)، وڭتۇستىك قازاقستان وبلىسىنا - 1572 وتباسى (3044 ادام)، ماڭعىستاۋ وبلىسىنا- 506 وتباسى (2311 وتباسى)، جامبىل وبلىسىنا - 620 وتباسى (1254 ادام)، شىعىس قازاقستان وبلىسىنا - 369 وتباسى (778 ادام)، اقمولا وبلىسىنا - 272 وتباسى (571 ادام)، قاراعاندى وبلىسىنا - 221 وتباسى (431 ادام)، قوستاناي وبلىسىنا - 154 وتباسى (296 ادام)، اقتوبە وبلىسىنا- 51 وتباسى (237 ادام)، پاۆلودار وبلىسىنا- 90 وتباسى (231 ادام)، اتىراۋس وبلىسىنا- 84 وتباسى (145 ادام)، سولتۇستىك قازاقستان وبلىسىنا - 45 وتباسى (102 ادام)، باتىس قازاقستان وبلىسىنا - 6 وتباسى (26 ادام)، قىزىلوردا وبلىسىنا - 15 وتباسى (24 ادام)، استانا قالاسىنا - 341 وتباسى (549 ادام)، الماتى قالاسىنا - 130 وتباسى (219 ادام) قونىستاندى.

ەلگە ورالعان قانداستارىمىزدىڭ 64,2  پايىزى - ەڭبەككە قابىلەتتى جاستا بولسا، 18 جاسقا دەيىنگىلەرى - 29,7 پايىزى، زەينەتكەرلەر - 6,1  پايىزدى قۇرايدى.

ەڭبەككە جارامدى ورالمانداردىڭ 10,8 پايىزىنىڭ جوعارعى ءبىلىمى بار بولسا، 17,8 پايىزىندا ورتا ارناۋلى ءبىلىم بار، 68,1 پايىزى  جالپى ورتا ءبىلىمى بار ازاماتتار.