جانار ايجانوۆا 15 جىل قۇپيا ۇستاعان سۇلۋلىق سىرىمەن ءبولىستى
بۇل تۋرالى Stan.kz حابارلايدى.
ءانشىنىڭ بەتىنە كۇتىم جاساۋ ءتاسىلى وزگە جۇلدىزداردان ەرەكشە. ول كوسمەتيكالىق قۇرالداردىڭ ورنىنا بەت تەرىسىن سۇلىكپەن ەمدەۋدى ءجون كورەدى.
«كارىلىكتەن ەشكىم دە قاشىپ قۇتىلمايدى عوي. دەسە دە ادەمى قارتايعاندى كىم جاقسى كورمەيدى دەيسىڭ؟! ءوز باسىم بەتكە حيرۋرگيالىق جولمەن وتا جاساعانعا قارسىمىن. وسىنداي تابيعي جولمەن كۇتىم جاساعانىما 15 جىلداي بولدى. وكپەم جوق، تىرتىق تا قالمايدى. پايداسى وتە كوپ. ولە جەگەنشە، بولە جەيىك دەپ قىزدارمەن ءبولىسىپ جاتقانىم عوي»، - دەپ ءانشى كوپتەن بەرى جاسىرعان سۇلۋلىق سىرىمەن ءبولىستى.
جەلى قولدانۋشىلارى انشىگە العىس ايتىپ، كەيبىرەۋى سۇلىك تۋرالى قوسىمشا سۇراق قويىپ جاتتى. سۇلىك بەت تەرىسىن تازارتىپ قانا قويماي، قان تامىرلارىنىڭ سكلەروزدىق ۇدەرىسىن ازايتاتىن كورىنەدى.
ەستەرىڭىزگە سالا كەتسەك، جانار ايجانوۆا قىزى اكەسىنىڭ سۋرەتىن كورسەتكەنى تۋرالى جازعان بولاتىنبىز.
