نورۆەگيا تاياۋ 15 جىلدا اۆتوكولىكتەن تولىعىمەن باس تارتىپ ۆەلوسيپەدكە كوشپەكشى
نورۆەگيا ۇكىمەتى 2030 - جىلعا قاراي ەل تۇرعىندارىنىڭ مەنشىگىندەگى كولىكتەر سانىنىڭ ءوسۋىن شەكتەمەك. 2019 - جىلى وسلو ورتالىعىندا اۆتوكولىكتەردىڭ جۇرۋىنە تىيىم سالىنادى. كولىكتەردى ازايتۋ ستراتەگياسىنىڭ ءبىر بولىگى - قۇنى 1 ميلليارد دوللار تۇراتىن ۆەلو جولدار سالۋ.
ەكى جولاقتى ۆەلو جول ەلدەگى ءىرى توعىز قالانىڭ ورتالىقتارىن قالا شەتى مەن وعان جاقىن كەنتتەر اراسىن جالعايدى. جول «قالا ماڭىنداعى كەنتتەر تۇرعىندارىن كوپتەپ تارتۋى ءتيىس، ويتكەنى ءبىز ولار ماشينادان ۆەلوسيپەدكە كوشەدى دەپ كوزدەپ وتىرمىز»، دەيدى نورۆەگ قوعامدىق جولدار بسقارماسى جانىنداعى ۆەلوسيپەدتەندىرۋگە كوشۋدىڭ ۇلتتىق ۇيلەستىرۋشىسى ماريت ەسپەلاند.
نورۆەگ حالقى كورشى دانيا مەن شۆەتسيا تۇرعىندارىنا قاراعاندا ۆەلوسيپەدتى از پايدالانادى. اسىرەسە قالا ورتالىعىنان قاشىق تۇراتىندار وسىعان ۇيرەنگەن، ويتكەنى ارالىق شالعاي ءارى كوپشىلىك ەكى دوڭگەلەكتى كولىكپەن جۇرۋگە كۇلە قارايدى.
ۆەلو جولدار نورۆەگتىك بيلىكتىڭ اۋاعا كومىرتەكتىڭ تارالۋىن جويۋ جانە ىشتەن جانۋ قوزعالتقىشتارى بار كولىكتەردى ازايتۋ جونىندەگى ۇلكەن جوباسىنىڭ ءبىر بولشەگى عانا. 2030 - جىلدارعا قاراي نورۆەگيا اۋاعا زياندى بولشەكتەردى تاراتۋدى ازايتۋدى %40، 2050 -جىلدارعا قاراي - %100- عا جەتكىزبەك.
تاياۋ بەس جىلدا ەلدەگى بارلىق قوعامدىق كولىك ەلەكترمەن ءجۇرۋى ءتيىس، التى جىل ىشىندە بارلىق تاكسي توقپەن قۋات الاتىن تۇرلەرىنە كوشىرىلەدى. سوندىقتان ەلدە ەلەكتروموبيل جاساۋشىلارعا اسىرەسە توقپەن جۇرەتىن اۆتوبۋس جاساۋشىلارعا جەڭىلدىك بەرىلگەن.
