قازاق كۇرەسىنەن وتەتىن حالىقارالىق گران- پريدە 15 ەلدىڭ بالۋاندارى باق سىناسادى
جىل سايىنعى ءداستۇرلى سايىس تارباعاتاي اۋدانىنىڭ اقسۋات اۋىلىندا وتكىزىلەدى، دەپ حابارلادى strategy2050.kz ش ق و- نىڭ اقپاراتتىق ورتالىعىنا سىلتەمە جاساپ.
ىرعىزباي دوسقانا ۇلى اتىنداعى حالىقارالىق تۋرنير بيىلعى جىلى وسىمەن ءۇشىنشى رەت وتكىزىلمەك. اعىمداعى جىلى ۇيىمداستىرىلاتىن تۋرنيردىڭ اۋقىمى ەداۋىر كەڭەيتىلىپ وتىر. كوميسسيانىڭ شەشىمى بويىنشا، اتالمىش سپورت تۇرىنەن الەم كۋبوگىنا دەيىنگى كەزەڭ ش ق و- دا وتكىزىلەدى.
سايىستا تۇركيا، قىتاي، رەسەي، موڭعوليا، كورەيا، قىرعىزستان، وزبەكستان، تاجىكستان، ارمەنيا، ءازىربايجان، گرۋزيا، ەستونيا، ليتۆا، بەلورۋسسيا، ۋكراينا ەلدەرىنەن كەلگەن 38 بالۋان ءوزارا مىقتىنى انىقتاماق.
«گران- پريدە قازاقستاننىڭ نامىسىن بۇعان دەيىن سان سايىستا مىقتىلىعىن دالەلدەگەن مۇحيت تۇرسىنوۆ، ايبەك نۇعىماروۆ، رۋسلان ءابدىرازاقوۆ پەن بەيبىت ىستىبايەۆ قورعايدى»، - دەدى قازاق كۇرەسى بويىنشا حالىقارالىق فەدەراتسيا اكىمشىلىگى كوميتەتىنىڭ ءتوراعاسى تالعات مازىبايەۆ.
