وتكەن جىلدا 156 مىڭ وتانداسىمىز جۇمىسپەن قامتىلدى
ۆيتسە-مينيستر ءوز سوزىندە حالىقتى جۇمىسپەن قامتۋ - مەملەكەتتىڭ نەگىزگى مىندەتتەرىنىڭ ءبىرى ەكەنىن، بۇل تۋرالى ەلباسى ءوزىنىڭ حالىققا جولداۋلارىندا بىرنەشە رەت ايتقانىن اتاپ ءوتتى. سوندىقتان دەنساۋلىق ساقتاۋ جانە الەۋمەتتىك دامۋ مينيسترلىگى ازاماتتاردى جۇمىسپەن قامتۋ بويىنشا تۇراقتى تۇردە بەلسەندى شارالار قولدانىپ كەلەتىندىگىنە توقتالدى.
«جۇمىسپەن قامتۋ 2020 جول كارتاسى» باعدارلاماسىن جۇزەگە اسىرۋ اياسىندا 2015-جىلى 156 مىڭعا جۋىق ازامات جۇمىسقا ورنالاستىرىلدى، ونىڭ ىشىندە تۇراقتى جۇمىسپەن قامتىلعان ادامدار سانى - 142,3 مىڭ.
سونىمەن قاتار، اتالعان باعدارلاماعا 4,4 مىڭعا جۋىق مۇمكىندىگى شەكتەۋلى ازاماتتار، 3 مىڭنان اسا مەكتەپ تۇلەكتەرى، بوستاندىعىنان ايىرۋ ورىندارىنان بوساپ شىققان 300 ازامات، 280 ورالمان، 200 بالالار ءۇيىنىڭ تاربيەلەنۋشىلەرى، جەتىم بالالار جانە اتا- اناسىنىڭ قاراۋىنسىز قالعان بالالار قاتىسقان.
Baq.kz
