الداعى ءۇش جىلدا سالىنۋعا ءتيىس 155 مەكتەپكە جەر ۋچاسكەسى بولىنبەگەن
بۇل تۋرالى ق ر وقۋ-اعارتۋ ۆيتسە-ءمينيسترى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.
«اكىمدىكتەر ءالى كۇنگە دەيىن جاڭا مەكتەپ سالۋ ءۇشىن جەر ۋچاسكەلەرىن ءبولۋ ماسەلەسىن تولىق شەشكەن جوق. ماسەلەن، 2025-جىلدىڭ سوڭىنا دەيىن نىسانداردىڭ 26 پايىزى نەمەسە 155 مەكتەپتىڭ قۇرىلىسى جەر ۋچاسكەسىمەن قامتاماسىز ەتىلمەگەن. ۇكىمەت ءتيىستى تاپسىرمانى وتكەن جىلدىڭ قاراشاسىندا بەرگەن بولاتىن. بۇل ماسەلەدە اپاتتى جانە ءۇش اۋىسىمدى مەكتەپتەردەگى ورىن تاپشىلىعىن جويۋ ماسەلەسىن شەشۋگە اسا مۇددەلى اكىمدىكتەردىڭ جايباراقاتتىعى تۇسىنىكسىز. شىمكەنت قالاسىندا، الماتى، اتىراۋ، باتىس قازاقستان جانە تۇركىستان وبلىستارىندا جەر ۋچاسكەلەرىنىڭ بولماۋىنا قاتىستى كۇردەلى جاعداي ورىن الىپ وتىر»، - دەدى ول مينيسترلىكتىڭ اپپارات جينالىسىندا.
وسى رەتتە ول بۇكىل اكىمدىكتەر مەكتەپ قۇرىلىسىنا كەرەك جەر ۋچاسكەلەرىن ءبولۋ ماسەلەسىن قىسقا مەرزىمدە شەشۋى قاجەتتىگىن باسا ايتتى.
«جەرگىلىكتى اتقارۋشى ورگاندارعا جۇرگىزىلىپ جاتقان جۇمىستى جۇيەلەندىرۋ ماقساتىندا بيىل 225 مەكتەپتى پايدالانۋعا بەرۋ بويىنشا بەكىتىلگەن جوسپاردىڭ ىسكە اسۋىن قامتاماسىز ەتۋدى، مەملەكەت باسشىسىنىڭ تاپسىرماسىن ورىنداۋ جونىندە وزگە دە شارالاردى تياناقتى جۇزەگە اسىرۋدى ۇسىنامىن»، - دەدى عاني بەيسەمبايەۆ.
