قازاقستاندىق 153 ازامات تاريحي وتانى پولشاعا ورالدى
دەپ حابارلايدى قازاقپارات ءتىلشىسى پولشا سىرتقى ىستەر مينيستىرلىگىنە سىلتەمە جاساپ.
«ءبىز تاريحي ادىلەتسىزدىكتى تۇزەپ، پولياكتاردى تاريحي وتانىنا قايتارۋدى باستاعىمىز كەلەدى. مۇنى باياعىدا قولعا الۋ كەرەك ەدى»، - دەدى پولشا ۆيسە- ءمينيسترى ماتەۋش موراۆەتسكي.
پولياكتاردىڭ ەڭ كوپ توبى سولتۇستىك قازاقستان وبلىسىنىڭ اۋىلدارىنان كوشىپ كەلدى. قازاقستاننىڭ ەتنيكالىق پولياكتارى پۋلۋتۋسكتاعى پولياك دياسپوراسى ۇيىنە ورنالاستىرىلادى. ولارعا پولياك قاۋىمداستىعى قامقورلىق كورسەتەدى، قاۋىمداستىق اسسيميلياتسيا بويىنشا ارنايى جانە ءبىلىم بەرۋ باعدارلاماسىن ازىرلەگەن.
ەسكە سالا كەتسەك، 2016 -جىلى 17- ناۋرىزدا پولشا سەناتى ۋكراينا ك س ر شەكارا ماڭىندا ءومىر سۇرگەن پولياكتاردى قازاقستانعا دەپورتاتسيالاۋدىڭ 80 جىلدىعى تۋرالى قاۋلى قابىلدادى. جالپى وتكەن عاسىرداعى ەكى اۋقىمدى قونىس اۋدارۋ ناتيجەسىندە 60 مىڭ پولياك قازاقستاننان ءبىر- اق شىقتى.
«پولشا سەناتى پولياكتاردىڭ تاريحي وتانىنا ورالۋى ءۇشىن بارىنشا جۇمىس ىستەۋدى ءوز مىندەتى دەپ سانايدى»، - دەلىنگەن قابىلدانعان قاۋلىدا.
