پرەزيدەنت سايلاۋى: ق ر و س ك شەت مەملەكەتتەر مەن حالىقارالىق ۇيىمداردىڭ 153 بايقاۋشىسىن تىركەدى
«ورتالىق سايلاۋ كوميسسياسىنىڭ وتىرىسىنا ءبىر سۇراق ەنگىزىلىپ وتىر. ول 2015-جىلعى 26- ساۋىرگە بەلگىلەنگەن ق ر پرەزيدەنتىنىڭ كەزەكتەن تىس سايلاۋىنا شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ تۋرالى»، - دەپ وتىرىستى اشقان ق ر و س ك ءتوراعاسى قۋاندىق تۇرعانقۇلوۆ قاۋلى جوباسىن تانىستىرۋ ءۇشىن ءسوز كەزەگىن كوميسسيا مۇشەسى تاتيانا وحلوپكوۆاعا بەردى.
«سىزدەردىڭ قاراۋلارىڭىزعا 2015-جىلدىڭ 26- ساۋىرىنە بەلگىلەنگەن كەزەكتەن تىس پرەزيدەنتتىك سايلاۋعا شەت مەملەكەتتەر مەن حالىقارالىق ۇيىمداردىڭ بايقاۋشىلارىن اكرەدديتتەۋ تۋرالى ماسەلە ۇسىنىلىپ وتىر. ق ر ورتالىق سايلاۋ كوميسسياسى سىرتقى ىستەر مينيسترلىگىنىڭ ۇسىنىسىمەن 2015-جىلدىڭ 26- ساۋىرىنە بەلگىلەنگەن كەزەكتەن تىس پرەزيدەنتتىك سايلاۋعا ت م د بايقاۋشىلارى ميسسياسىنان 144 ادامدى، ش ى ۇ ميسسياسىنان 5 ادامدى جانە شەت مەملەكەتتەردەن 4 ادامدى اككرەديتتەسىن. بارلىعى بارلىعى 153 بايقاۋشى. شەت مەملەكەتتەر مەن حالىقارالىق ۇيىمداردىڭ بايقاۋشىلارىنا سايكەسىنشە كۋالىك بەرىلسىن»، - دەدى قاۋلى جوباسىن تانىستىرعان ت. وحلوپكوۆا.
ق ر ورتالىق سايلاۋ كوميسسيالارى قاۋلى جوباسىن ءبىراۋىزدان ماقۇلداپ، 153 شەتەلدىك بايقاۋشىنى اككرەديتتەدى.
اۆتور: مارلان جيەمباي
