ەلوردادا سوڭعى ءۇش كۇندە تاۋلىك سايىن 150 ادامنان ك ۆ ي انىقتالىپ وتىردى

نۇر-سۇلتان. قازاقپارات - 3 ايدان بەرى دارىگەرلەر كۇشەيتىلگەن رەجيمدە جۇمىس ىستەپ جاتىر.

بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ءمالىم ەتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ەلوردادا ەپيدەميولوگيالىق احۋال ناشارلادى. 17-ماۋسىمداعى جاعداي بويىنشا 2951 كوروناۆيرۋس ينفەكسياسى جاعدايى تىركەلدى. ينفەكسيا جۇقتىرۋشىلاردىڭ سانى وسۋدە. دارىگەرلەرگە، مەدبيكەلەرگە جانە كوروناۆيرۋس ينفەكسياسىمەن جۇمىس ىستەيتىن بارلىق باسقا قىزمەتكەرلەرگە ۇلكەن مىندەت جۇكتەلدى. 3 ايدان بەرى دارىگەرلەر كۇشەيتىلگەن رەجيمدە جۇمىس ىستەپ جاتىر»، - دەدى س. قيسىقوۆا ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، سوڭعى 3 كۇندە ءار كۇن سايىن ورتا ەسەپپەن 150 دەن استام كوروناۆيرۋس ينفەكسياسىنا شالدىعۋ فاكتىسى تىركەلۋدە. ولاردىڭ 50 پايىزى ىندەتتىڭ بەلگىلەرى جوق تۇرىمەن اۋىراتىندار. سونىمەن قاتار ول زەرتحانالار قىزمەتىنە وتە ۇلكەن جۇكتەمە ءتۇسىپ جاتقانىن، تەستىلەر اۋرۋدىڭ بەلگىلەرى بار جانە ينفەكسيا جۇقتىرعاندارمەن جاقىن بايلانىستا بولعاندارعا قاجەت ەكەنىن جەتكىزدى.

«تەستىلەردىڭ تاپشىلىعىنا جول بەرمەۋ ءۇشىن، سونداي-اق ناتيجەلەردى جەدەل وڭدەۋ ءۇشىن وزگە ادامدارعا تەست تاپسىرۋدىڭ قاجەتى جوق»، - دەدى س. قيسىقوۆا. بۇدان بۇرىن حابارلانعانداي، ەلوردادا 20 استام ۆيرۋسولوگ كوروناۆيرۋس جۇقتىردى. بۇرىن قالادا ءبىر عانا زەرتحانا بولسا، قازىر كۇنىنە 5 مىڭعا دەيىن تەست وتكىزەتىن 8 زەرتحانا بار. 17-ماۋسىمداعى جاعداي بويىنشا شامامەن 170 مىڭ تەست وتكىزىلدى. قازىر 40 مىڭنان استام تەست قولجەتىمدى.

اۆتور: رۋسلان عابباسوۆ