بيىل موڭعوليادان 150 دەي تالاپكەر پاۆلودارعا دايىندىق كۋرسىنا كەلەدى
بۇل تۋرالى س. تورايعىروۆ اتىنداعى پ م ۋ- دەگى «Foundation»فاكۋلتەتىنىڭ دەكانى ساۋلە كىسەمبايەۆا ايتتى.
«جۋىردا عانا پ م ۋ- دان ارنايى دەلەگاتسيا شىعىپ، موڭعوليادا تۇراتىن قازاقتارمەن كەزدەسىپ قايتتىق. ماقساتىمىز - جاستاردى ەلگە تارتۋ. بايان-ولگەي جانە قوبدا ايماقتارىندا تۇراتىن قانداستارىمىزدىڭ اراسىندا جۇرگىزگەن ۇگىت-ناسيحات جۇمىستارىنىڭ ناتيجەسىندە قازاقستانعا كەلىپ وقىعىسى كەلەتىن 150 بالانى تىزىمگە الدىق. ەندى ولار تامىز ايىندا قازاق ءتىلى جانە ماتەماتيكا پاندەرىنەن وتەتىن ىرىكتەۋ ەمتيحانىنا قاتىسادى. جوعارى ۇپايعا يە بولعاندار پ م ۋ- دىڭ «Foundation» فاكۋلتەتىنە تۇسەدى. ىرىكتەۋ ەمتيحانىن ق ر ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعىنىڭ وكىلدەرى الادى. دايىندىق كۋرسىندا ءبىر جىل وقىعان سوڭ كەشەندى تەستىلەۋگە قاتىسىپ، جوعارى وقۋ ورىندارىنا جولداما الادى»، - دەيدى ساۋلە كىسەمبايەۆا.
س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ وكىلدەرى رەسەيدىڭ ومبى وبلىسىندا جانە قىرعىزستان رەسپۋبليكاسىندا تۇراتىن قازاقتارمەن دە كەزدەسىپ، جاستارىن قازاق ەلىنەن ءبىلىم الۋعا ۇگىت-ناسيحات جۇرگىزىپ قايتقان.
ءبىراق بۇل ەكى ەلدەگى قانداستارىمىزدان بيىل ناقتى قانشا بالا كەلەتىنى بەلگىسىز. سونىمەن قاتار، الداعى ۋاقىتتا قىتايعا بارۋدى جوسپارلاپ وتىر.
ەسكە سالا كەتەيىك، وتكەن جىلى پ م ۋ- دىڭ دايىندىق كۋرسىنا قىتاي، موڭعوليا جانە وزبەكستان ەلدەرىنەن 75 ستۋدەنت كەلىپ، قازىر جوعارى وقۋ ورىندارىنا تۇسۋگە دايىندالۋدا.
