ەلورداداعى جەڭىل رەلستى ترامۆاي تاۋلىگىنە 150 مىڭعا دەيىن جولاۋشى تاسىمالدايدى
بۇل تۋرالى بۇگىن ەلوردادا «استانا قالاسىنىڭ كولىك كەشەنىنىڭ دامۋ ءۇردىسى» اتتى كونفەرەنسيادا قالا اكىمى اسەت يسەكەشيەۆ.
«قالاداعى ماڭىزدى جوبالاردىڭ ءبىرى جەڭىل رەلستى ترامۆاي جەلىسىن ىسكە قوسۋ بولماق. 22,4 شاقىرىمعا سوزىلاتىن ءبىرىنشى كەزەڭ اياسىندا استانا حالىقارالىق اۋەجايى، «ەكسپو» قالاشىعى، نازاربايەۆ ۋنيۆەرسيتەت، «ءابۋ دابي- پلازا»، مينيسترلىكتەر ءۇيى جانە جاڭا تەمىر جول ۆوكزالى ارالىعى بايلانىسادى. جۇيەدە جابىق تيپتەگى 18 ستانسا قامتىلىپ، تاۋلىگىنە جولاۋشىلار اينالىمى 150 مىڭ ادامعا دەيىن جەتەدى»، - دەدى اكىم.
وسى رەتتە ەلوردانىڭ قارقىندى ءوسۋى اياسىندا جەڭىل رەلستى ترامۆاي جۇيەسى جولاۋشىلاردى جىلدام، ساپالى ءارى قاۋىپسىز تاسىمالداۋعا مۇمكىندىك بەرەتىنىن اتاپ ءوتتى.
ايتا كەتەيىك، كونفەرەنسيا بارىسىندا تۇڭعىش رەت ASTRA كولىكتىك باسقارۋ كومپانياسىنىڭ جاڭا فورماتى تانىستىرىلادى. ول LTA - سينگاپۋر، ATM - ميلان، RTA - دۋباي جانە وسى سەكىلدى وزگە دە كومپانيالاردىڭ قىزمەتىنە ۇقساس بولماق.
شارا اياسىندا 10-نان اسا ەلدىڭ جەتەكشى ساراپشىلارى مەن كولىك حولدينگتەرىنىڭ باسشىلارى كولىك سالاسىنداعى ستراتەگيالىق جوسپارلاۋ قاعيدالارىن، جەڭىل رەلستى كولىكتىڭ قۇرىلىس تەحنولوگيالارىن، جول اقىسىن ەلەكتروندى تولەۋدى ەنگىزۋدىڭ الەمدىك تاجىريبەسىن، اقىلدى اۆتوتۇراقتى جاساۋدىڭ، جىلجىمالى قۇرامنىڭ جاڭارۋىن، وقۋشىلار تاسىمالىن جانە قالالىق تاكسي قىزمەتىنىڭ دامۋىن تالقىلاماق.
اۆتور: رۋسلان عابباسوۆ
