الماتى وبلىسىندا 1500 ادامعا جۇمىس بەرەتىن لوگيستيكالىق حاب اشىلادى
سونىڭ ناتيجەسىندە وبلىسقا 200 ميلليون ا ق ش دوللارى كولەمىندە ينۆەستيتسيا تارتىلىپ، 1,5 مىڭ جۇمىس ورنى اشىلادى، دەپ حابارلايدى قازاقپارات الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.
بۇگىن الماتى وبلىسىنىڭ اكىمى قانات بوزىمبايەۆ پەن «AIRBA FF» ج ش س ديرەكتورلار كەڭەسىنىڭ ءتوراعاسى، «تەحنودوم» كومپانياسىنىڭ نەگىزىن سالۋشى ەدۋارد كيم وسىنداي مەموراندۋمعا قول قويدى، كەزدەسۋدە قانات بوزىمبايەۆ وسى ءىرى ينۆەستيتسيالىق جوبانى ىسكە اسىرۋ ءوڭىردىڭ لوگيستيكالىق الەۋەتىن دامىتىپ قانا قويماي، تۇتاستاي العاندا وبلىس ەكونوميكاسىنا مۋلتيپليكاتيۆتى ناتيجە بەرەتىنىنە اتاپ ءوتتى.
«بۇل - بۇرىن الماتى وبلىسىندا بولماعان وتە تارتىمدى ءارى ماڭىزدى جوبا. زاماناۋي سيفرلىق تەحنولوگيالاردى قولدانۋ ەرەكشەلىگىن ەسكەرسەك، ناعىز جاڭا داۋىرگە لايىق دەۋگە بولادى. بىرىنشىدەن، ءبىزدىڭ اگرارلىق سالاداعى شارۋاشىلىقتارىمىزدىڭ ءوز ءونىمىن وتكىزۋىنە جاعداي جاسايدى. ەلىمىزدىڭ اگروونەركاسىپتىك كەشەنىندەگى ءونىم كولەمىنىڭ % 28-30- ءىن الماتى وبلىسى وندىرەتىنىن ەسكەرسەك، بۇل - ءبىز ءۇشىن ۇلكەن مۇمكىندىك. ەكىنشىدەن، شاعىن جانە ورتا بيزنەستى قارجىلاي قولداۋعا جاڭا مۇمكىندىكتەر اشادى. سونىمەن قاتار ينۆەستور كومپانيا تالدىقورعان قالاسىنداعى كوللەدجدەردىڭ ءبىرىنىڭ بازاسىندا ІТ ماماندار دايىندايتىن وقۋ ورتالىعىن اشادى. بۇل سيفرلىق ماشىقتارىن جەتىلدىرىپ، دۋالدى وقىتۋدى دامىتۋعا ىقپال ەتەدى.
ارينە، ءوڭىر ەكونوميكاسى ءۇشىن سالىق تۇسىمدەرى دە ماڭىزدى. دەگەنمەن ءبىز ءۇشىن حالىقتىڭ مۇددەسى الدىڭعى ورىندا. كەشەن 1500 ادامعا جۇمىس بەرەدى. نىسان ورنالاساتىن ىلە اۋدانىندا 300 مىڭنان استام ادام تۇرادى، ال وبلىستاعى حالىق سانى 2 ميلليون 200-گە جەتتى. لوگيستيكالىق كەشەن جاڭا جۇمىس ورىندارىنىڭ اشىلۋىنا، زاماناۋي تەحنولوگيالار مەن قارجىلاي قولداۋ قۇرالدارى اياسىنىڭ كەڭەيۋىنە جاعداي جاسايدى. جوباعا بارلىق كەزەڭىندە بارىنشا قولداۋ كورسەتەتىن بولامىز»، - دەدى ق. بوزىمبايەۆ.
ءوز سوزىندە ەرۋارد كيم باستامالارىنا قولداۋ كورسەتكەنى ءۇشىن وبلىس باسشىلىعىنا ريزاشالىعىن ءبىلدىرىپ، جوبانىڭ ەرەكشەلىكتەرىنە توقتالدى.
«ءبىزدىڭ كومپانيامىزعا سەنىم بىلدىرگەنىڭىزگە العىس ايتامىن. بۇگىندە قوعامنىڭ باستى مىندەتى ءومىر ءسۇرۋ ساپاسىن ارتتىرۋ، اسىرەسە، جاستاردىڭ ءومىر ءسۇرۋ دەڭگەيىن كوتەرۋ - باستى ماقسات. ءبىزدىڭ كومپانيا قىزمەتكەرلەرىنىڭ ورتاشا جاسى - 28 جاس. ءبىز جاستاردىڭ وقۋىنا، ارنايى ماماندىق الۋىنا، قىزمەتتىك باسپالداقتارعا كوتەرىلۋىنە، لايىقتى جالاقى الۋلارىنا جاعداي جاساپ كەلەمىز. لوگيستيكالىق حاب قۇرۋدىڭ دا نەگىزگى ماقساتى وسى. ءبىز وبلىستىڭ ينفراقۇرىلىمىن دامىتۋعا نازار اۋدارىپ، ەكونوميكانىڭ ءتۇرلى سالالارىن سيفرلاندىرۋعا كومەكتەسەمىز»، - دەدى ە. كيم.
قول جەتكىزىلگەن كەلىسىمگە سايكەس ماڭىزدى ينۆەستيتسيالىق جوبا الداعى 5 جىلدا بىرنەشە كەزەڭمەن ىسكە اسىرىلادى. كەشەن ىلە اۋدانىندا ورنالاسپاق. ءوزىنىڭ نەگىزگى فۋنكسياسىمەن قاتار نىسان كليەنتتەر تارتۋ مەن ونىمدەردى ورنالاستىرۋعا ارنالعان «Airba Marketplace» ونلاين- سورەسىن پايدالانۋعا جاعداي تۋعىزادى. سول سياقتى «Airba Fintech» ونلاين- پلاتفورماسىنىڭ مۇمكىندىكتەرىن پايدالانا وتىرىپ، اۋىل شارۋاشىلىعى تاۋار وندىرۋشىلەرى جەڭىلدىكپەن قارجىلاندىرۋ مەن اينالىم قارجىسىن تولىقتىرۋعا قول جەتكىزە الادى، ءوز تاۋارلارىن دەلدالداردىڭ قاتىسۋىنسىز ءىرى ساۋدا جەلىلەرىندە ساتۋ جونىندەگى كەلىسىمشارتتار جاساسا الادى، ال جاس ماماندار تۇرعىن ءۇي ساتىپ الۋعا نەمەسە باسپانا جاعدايىن جاقسارتۋعا قولجەتىمدى يپوتەكا الا الادى. بۇل قىزمەتتەرگە جۇگىنۋ ءۇشىن قارجى ينستيتۋتتارىنا بارۋدىڭ، مالىمەتتەردى قاعاز جۇزىندە اپارۋدىڭ قاجەتى جوق، قىزمەتتەر ونلاين- رەجيمدە كورسەتىلەدى.
جالپى «AIRBA FF» ج ش س - سيفرلىق تەحنولوگيالاردى توپتاستىرۋمەن قاتار قويما ينفراقۇرىلىمىن، كۋرەرلىك جەتكىزۋ قىزمەتىن، تاپسىرىسىن كليەنتتىڭ ءوزى بارىپ الاتىن پۋنكت رەتىندە دە ناقتى سەكتوردا جۇمىس ىستەيدى. بۇل - قويمالاۋ، ماگيسترالدى لوگيستيكا، كليەنتتەر پەن سەرىكتەستەرگە جەتكىزىپ بەرۋ ىسىمەن اينالىساتىن ەلىمىزدەگى تۇڭعىش وپەراتور.
اۆتور: سامال قابىشيەۆا
