پاۆلوداردا وتەتىن قىسقى ۋنيۆەرسياداعا 1500 گە جۋىق قازاقستاندىق سپورتشى قاتىسادى

استانا. قازاقپارات - پاۆلوداردا 1 -ناۋرىز كۇنى باستالاتىن ەلىشىلىك VII قىسقى ۋنيۆەرسيادا ويىندارىندا 1500-گە تارتا سپورتشى ونەر كورسەتەدى، دەپ حابارلايدى pavlodarnews.kz وبلىستىق ءبىلىم بەرۋ باسقارماسىنا قاراستى ايماقتىق وقۋ-تاجىريبەلىك دەنە شىنىقتىرۋ ورتالىعى باسشىسىنىڭ ورىنباسارى ۆيكتور كورياكينگە سىلتەمەمەن.

«باسەكە توعىز سپورت ءتۇرى بويىنشا وتەدى، - دەيدى ۆيكتور كورياكين. - بۇل - شاڭعى جارىسى، قىسقى پرەزيدەنتتىك كوپسايىس، قىسقى سپورتتىق باعدارلاۋ، فۋتزال، ارمرەستلينگ، گىر تاسىن كوتەرۋ، پاۋەرليفتينگ، باسكەتبول جانە قازاق كۇرەسى. ءبىزدىڭ ءوڭىردىڭ اتىنان 300 دەي سپورتشى باق سىنايدى. مۇنداي ۋنيۆەرسيادا ەرتىس وڭىرىندە العاش رەت وتكىزىلۋدە».

وبلىستىق دەنە شىنىقتىرۋ جانە سپورت باسقارماسى ۇسىنعان اقپاراتقا سۇيەنسەك، VII قىسقى ۋنيۆەرسيادا ويىندارىنا قازىرگى تاڭدا قازاقستان رەسپۋبليكاسىنىڭ 31 ج و و-نان الدىن الا 1266 ءوتىنىم تۇسكەن.

ۋنيۆەرسيادا ەكى كەزەڭنەن تۇرادى. ءبىرىنشى كەزەڭگە الدىن الا - 577، ەكىنشى كەزەڭگە 689 ادام الدىن الا ءوتىنىم بەرگەن.

2018 -جىلعى 1-6 -ناۋرىز ارالىعىنداعى باسەكەنىڭ ءبىرىنشى كەزەڭىندە شاڭعى جارىسى، قىسقى پرەزيدەنتتىك كوپسايىس، فۋتزالدان جانە باسكەتبولدان ەرلەر مەن ايەلدەر اراسىندا جارىستار وتەدى.

ەكىنشى كەزەڭدە سپورتتىڭ 5 تۇرىنەن جارىستار وتەدى: قازاق كۇرەسى، قىسقى سپورتتىق باعدارلاۋ، ارمرەستلينگ، گىر سپورتى، پاۋەرليفتينگ.