1,5 ميلليون حالقى بار قالا: ەلوردا كۇنىنە ارنالعان قىزىقتى ستاتيستيكا
استانا. KAZINFORM - ەلوردا كۇنى قارساڭىندا قازاقستاننىڭ باس قالاسى - استانا تۋرالى قىزىقتى ستاتيستيكالىق مالىمەتتەر جاريالاندى، دەپ حابارلايدى ۇلتتىق ستاتيستيكا بيۋروسى.
2025-جىلعى 1-ماۋسىمداعى جاعداي بويىنشا استانا قالاسىنىڭ حالقى 1566566 ادامعا جەتتى. قالادا ايەلدەر سانى ەرلەردەن كوپ: 823766 ايەل جانە 742800 ەر ادام تىركەلگەن.
2025-جىلدىڭ ءبىرىنشى توقسانىندا ەلوردادا 6025 ءسابي دۇنيەگە كەلدى، ال وسى كەزەڭدە 1914 نەكە رەسمي تۇردە تىركەلدى.
استاناداعى كۇتىلەتىن ءومىر ءسۇرۋ ۇزاقتىعى 78,52 جاستى قۇرايدى.
قالادا قازىرگى تاڭدا 14 جوعارى وقۋ ورنى، 10 تەاتر جانە 7 مۇراجاي جۇمىس ىستەيدى.
2025-جىلعى 1-ماۋسىمداعى مالىمەتكە سايكەس، ەلوردادا تىركەلگەن شاعىن جانە ورتا كاسىپكەرلىك سۋبەكتىلەرىنىڭ سانى 295179 بىرلىكتى قۇرادى.
سونداي-اق، قازاقستاندا رەسمي تۇردە استانا ەسىمىن يەلەنگەن 24 ادام بار ەكەنى بەلگىلى بولدى.
ايتا كەتەيىك، ەلوردا كۇنىنە وراي استانادا اسىق اتۋدان تۋرنير وتەدى.
