امەريكادا 15,6 مىڭ جىل بۇرىنعى ادام ءىزى تابىلدى
باسىلىمنىڭ جازۋىنشا، بۇل جاڭالىق امەريكادا العاشقى ادامدار عالىمدار ويلاعاننان دا ەرتەرەك پايدا بولعانىن كورسەتەدى.
«پالەونتولوگتاردىڭ ايتۋىنشا، ichnofossil نەمەسە ichnite دەپ اتالاتىن ءىز ەجەلگى ادامعا تيەسىلى. جەردىڭ بەتكى قاباتىندا ساقتالىپ قالعان بۇل ءىز چيلي قالاسىندا پيلاۋكو ارالىندا 2010 -جىلى تابىلعان. سول ۋاقىتتان بەرى عالىمدار ون جىل بويى ءىزدىڭ قاي كەزەڭگە ءتيىسىلى ەكەنىن انىقتاۋ ءۇشىن كوپتەگەن زەرتتەۋ جۇرگىزدى. ول جەرگە جاقىن ماڭدا ماستادونت سەكىلدى ەجەلگى جانۋارلارردىڭ سۇيەكتەرى تابىلسا دا، عالىمدار كومانداسى بۇل ءىز ادامعا تيەسىلى ەكەنىن انىقتادى. سونىمەن قاتار سول جەرگە جاقىن ماڭدا تاس قۇرالداردىڭ تابىلۋى عالىمداردىڭ بۇل پىكىرىن نىقتاي ءتۇستى»، دەپ جازادى باسىلىم.
اۆتوردىڭ ايتۋىنشا، پيلاۋكو جەرى مونتە- ۆەردە اتتى تانىمال ارحەولوگيالىق ەسكەرتكىشتەن 100 شاقىرىم جەردە ورنالاسقان. بۇل جاڭالىق پيلاۋكو جەرىندە ەجەلگى ادامدا 13,5 مىڭ جىلدان دا ەرتەرەك بولعانىن كورسەتتى.
عالىمداردىڭ ايتۋىنشا، ەجەلگى ادامدار 16 مىڭ جىلدان دا ەرتەرەك ۋاقىتتا ازيادان قايىقپەن تىنىق مۇحيتى ارقىلى سولتۇستىك جانە وڭتۇستىك امەريكاعا بارعان.
اۆتور: ايكۇمىس بولاتبەك