قاتەلىكپەن 15 جىل تۇرمەدە وتىرعان امەريكاندىققا 3 ميلليون دوللار بەرىلەدى
قازىر جاسى 42 گە كەلگەن كوللينز 1994 - جىلى توناۋ ماقساتىمەن برۋكلين ءراۆۆينىن ءولتىردى دەگەن كۇدىكپەن قاماۋعا الىنعان بولاتىن. جالا جابىلعان كەزدە-اق ول دەتەكتيۆتەرگە ءبىر قاتە كەتكەنىن: قىلمىس جاسالعاندا ول ءوز ۇيىندە بولعانىن مالىمدەدى. الايدا سوتتا جاۋاپ بەرگەن ەكى كۋاگەر كوللينزدىڭ قىلمىس جاسالعان ورىننان كەتىپ بارا جاتقانىن كورگەندەرىن ايتتى. ناتيجەسىندە، سوت القاسى ەر ادامدى ايىپتى دەپ تانىپ، سۋديا ونى ءومىر بويى باس بوستاندىعىنان ايىرۋ جازاسىنا كەستى.
الايدا امەريكاندىق ەڭسەسىن تۇسىرمەدى: ول تۇرمەدەگى كىتاپحاناعا جازىلىپ، وندا زاڭگەرلىكتى وقي باستاعان. كوللينز ءىس ماتەريالدارىن اكەلىپ بەرۋدى تالاپ ەتىپ، بىرنەشە اپپەلياتسيا بەردى. اقىر سوڭىندا، ول پروكۋراتۋرانىڭ كۋاگەرلەردى جالعان جاۋاپ بەرۋگە تالاپ ەتكەنىن دالەلدەپ شىقتى. 2010 - جىلى جاڭا فاكتىلەردى قاراعاننان كەيىن سوت ونى اقتاپ، بوستاندىققا شىعاردى.
سودان كەيىن كوللينز نيۋ-يورك شتاتى مەن قالاسىنىڭ بيلىگىنە وتەماقى تولەۋدى تالاپ ەتىپ ارىزداندى. شتات بيلىگى ونىمەن بەيبىت كەلىسىمگە كەلۋدى ءجون كورىپ، وعان 3 ميلليون دوللار تولەيتىن بولدى.
«ءۇش ميلليون دوللار - كوپ اقشا. ءبىراق بۇل كوللينزدىڭ قاتاڭ رەجيمدەگى تۇرمەدە وتكىزگەن جىلدارى ءۇشىن تولەنۋى كەرەك سومانىڭ از عانا مولشەرى. ءبىز نيۋ-يورككە الدەقايدا ءىرى مولشەردەگى وتەم اقى تولەۋگە تۋرا كەلەدى دەگەن سەنىمدەمىز»، - دەپ مالىمدەدى ادۆوكات دجوەل رۋدين.
