وليمپيادا جەڭىمپازدارى 15 جانە 20 -تامىز كۇندەرى الماتى اۋەجايىنا ورالادى - فوتو
بۇل جايىندا استانادا وتكەن باسپا ءسوز كونفەرەنسياسى بارىسىندا ق ر مادەنيەت جانە سپورت مينيسترلىگى دەنە شىنىقتىرۋ جانە سپورت ىستەرى كوميتەتى ءتوراعاسىنىڭ ورىنباسارى سەرىك جاراسپايەۆ حابارلادى.
200 مەتر قاشىقتىقتا براسس تاسىلىمەن ءجۇزۋ بويىنشا الەم چەمپيونى دميتريي بالاندين 14 ىنەن 15 -تامىزعا قاراعان ءتۇنى 00:45 تە كەلەدى. سول ءتۇنى ساعات 01:30 دا قازاقستاننىڭ دزيۋدو قۇراماسى، كۇمىس جۇلدە يەگەرى ەلدوس سمەتوۆ (60 كەلى) جانە قولا جۇلدەگەر وتگونسەسەگ گالبادراح (48 كەلى) كەلەدى.
سونىمەن بىرگە، 20 -تامىزعا قاراعان ءتۇنى اۋىر اتلەتتەر كومانداسى، وليمپيادا چەمپيونى نيجات راحيموۆ (77 ك گ)، كۇمىس جۇلدە يەگەرى جازيرا جاپپارقۇل (69 كەلى) جانە قولا جۇلدە العان كارينا گوريچەۆا (63 كەلى) ەلگە كەلەدى.
جاقىن ارادا ءتورتجىلدىقتىڭ باستى تارتىسىندا قازاقستاندىق اۋىر اتلەتتەر دەنيس ۋلانوۆ (85 كەلى) پەن الەكساندر زايچيكوۆ (105 كەلى)، دزيۋدوشى ماكيم راكوۆ (100 كەلى)، جانە بوكسشىلار، جەڭىل اتلەتتەر، ەسكەكشىلەر سايىسقا تۇسەدى.
ايتا كەتەيىك، XXXI جازعى وليمپيادا ويىندارىندا 26 سپورت ءتۇرى بويىنشا 104 سپورتشى قازاقستاننىڭ نامىسىن قورعاۋدا.
