پولشادا «لەگيونەرلەر اۋرۋىنان» 14 ادام قازا تاپتى
جەرگىلىكتى بيلىك لەگيونەللەز قوزدىرعىشىنىڭ قالانىڭ سۋ قۇبىرىنا كىرگەن-كىرمەگەنىن تەكسەرىپ جاتىر، ءبىراق ناقتى دەرەك جوق، دەيدى.
«ءبىز ەشتەڭە تابا المادىق. سەبەبى قالا ۋكراينامەن شەكارادا ورنالاسقاندىقتان جانە وسى ەلگە قارۋ-جاراق جەتكىزۋ ءۇشىن ماڭىزدى كولىك تورابى بولعاندىقتان بيلىك الدىن العىسى كەلدى»، - دەدى پولشا ارنايى قىزمەتىنىڭ وكىلى ستانيسلاۆ جارىن Polsat تەلەارناسىنا.
وسى اپتانىڭ باسىندا جارىن ينفەكتسيانىڭ نەدەن پايدا بولعانىن تەرگەۋگە پولياك بارلاۋ قىزمەتىنىڭ وكىلدەرى قاتىساتىنىن راستادى.
«ءبىز ونىڭ نەدەن پايدا بولعانىن ىزدەپ جاتىرمىز. قازىرگى ۋاقىتتا ىستىق جانە سالقىن سۋ قۇبىرلارى جەلىسىن تەكسەرىپ جاتىرمىز»، - دەدى ادام سيدور وڭىرلىك سانيتارلىق باقىلاۋ قىزمەتىنەن.
وسى ۋاقىتقا دەيىن الىنعان 105 سۋ سىناماسىنىڭ العاشقى 18 سىناماسىنان لەگيونەللەز باكتەريالارى تابىلدى.
«ازىرگە بۇل بىزگە جۇقتىرۋ كوزى سۋ قۇبىرى ەكەنىن ايتۋعا مۇمكىندىك بەرمەيدى. الداعى كۇندەرى بەلگىلى بولادى»، - دەدى سيدور.
دەنساۋلىق ساقتاۋ ورگاندارى وكىلدەرىنىڭ ايتۋىنشا، اۋرۋدى تۋدىراتىن باكتەريا جەشۋۆ قالاسىندا جانە ونىڭ اينالاسىندا 113 پاتسيەنتتەن تابىلعان. قايتىس بولعان جەتى ادام 64 پەن 95 جاس ارالىعىندا جانە ولاردىڭ باسقا دا اۋرۋلارى بولعان.
