قىتايدىڭ سولتۇستىك-شىعىسىندا سۋ تاسقىنىنان 14 ادام قازا تاپتى
بۇل تۋرالى قازاقپارات «شينحۋا» اقپارات اگەنتتىگىنە سىلتەمە جاساپ حابارلايدى.
1-تامىزدان باستاپ تيانجين قالاسى مەن ونىڭ اينالاسى «دوكسۋري» سۋپەرتايفۋنى اكەلگەن قاتتى جاڭبىردان زارداپ شەكتى. جەكسەنبى كۇنى مۋنيتسيپالدىق بيلىك حايحى وزەنىنىڭ باسسەينىندە ەڭ جوعارى «قىزىل» دەڭگەيدى جاريالادى، وندا 1963 -جىلدان بەرگى ەڭ اۋىر سۋ تاسقىنى بولدى.
ورتالىق بيلىك قىتايدا سۋ تاسقىنىنان زارداپ شەككەن ايماقتارعا بارلىعى 520 ميلليون يۋان (شامامەن 72 ميلليون دوللار) ءبولدى. ساقتاندىرۋ كومپانيالارى ەلدىڭ سۋ تاسقىنىنان زارداپ شەككەن 16-ايماعىندا وتەماقى تولەۋدى جەدەلدەتتى.
قازىرگى ۋاقىتتا 264 ميلليون يۋان (شامامەن 36 ميلليون دوللار) تولەندى. وتەماقى تالاپتارىنىڭ جالپى سوماسى - 6,24 ميلليارد يۋان، بۇل - شامامەن 8866 ميلليون دوللار.
ايتا كەتسەك، 25-شىلدەدە وڭتۇستىك قىتايدىڭ گۋاندۋن پروۆينتسياسىنىڭ سۋ تاسقىنى مەن قۇرعاقشىلىقپەن كۇرەس شتابى «دوكسۋري» تايفۋنى جاقىنداپ قالعانىنا بايلانىستى قاۋىپسىزدىك شارالارىن كۇشەيتكەن ەدى.
27-شىلدە ساعات 6:00-دەگى جاعداي بويىنشا، تايفۋننىڭ تايۆان ارالىنىڭ وڭتۇستىك شەتىنەن 220 شاقىرىمداي جەردە بولىپ، سولتۇستىك- باتىسقا قاراي 10-15 ك م/ساع جىلدامدىقپەن جىلجىپ كەلە جاتقانى حابارلاندى.
قىتايدىڭ فۋجيان پروۆينتسياسىنىڭ 700 مىڭنان استام تۇرعىنى «دوكسۋري» تايفۋنىنان زارداپ شەكتى. كەيىن زارداپ شەككەندەر سانى 880 مىڭنان استى.
ال، 1-تامىزداعى جاعداي بويىنشا بەيجىڭدە «دوكسۋري» سۋپەر تايفۋنى اكەلگەن نوسەر جاڭبىر مەن سۋ تاسقىنىنان 11 ادام قازا تاۋىپ، 27 ادام ءىز-ءتۇزسىز جوعالعان.
ق ح ر قارجى جانە توتەنشە جاعدايلاردى باسقارۋ مينيسترلىكتەرى بىرلەسىپ، بەيجىڭ- تيانجين- حىبي ايماعىنداعى سۋ تاسقىنىنا قارسى ءىس-شارالارعا جانە تابيعي اپات سالدارىن جويۋعا 110 ميلليون يۋان (شامامەن 15,43 ميلليون ا ق ش دوللارى) ءبولدى.
سونداي-اق، ق ح ر-دىڭ سۋ تاسقىنى مەن قۇرعاقشىلىققا قارسى مەملەكەتتىك شتابى «حانۋن» تايفۋنىنىڭ جاقىنداۋىنا بايلانىستى 4-دەڭگەيدەگى جەدەل ارەكەت ەتۋ رەجيمىن ىسكە قوستى.
قىتايدىڭ سولتۇستىگىندەگى حەبەي پروۆينسياسىندا كەيىنگى بىرنەشە كۇندە تولاسسىز جاۋعان جاڭبىر سالدارىنان 1,2 ميلليوننان استام ادام ەۆاكۋاتسيالاندى.
