جاۋىن-شاشىن، تۇمان، كوكتايعاق: 14 وڭىردە ەسكەرتۋ جاريالاندى
اقتوبە وبلىسىنىڭ سولتۇستىك-شىعىسىندا كوكتايعاق كۇتىلەدى. كۇندىز وبلىستىڭ سولتۇستىگىندە جاياۋ بۇرقاسىن بولادى. جەلدىڭ كۇشى كۇندىز سولتۇستىكتە 25 م/س دەيىن ارتادى.
قوستاناي وبلىسىنىڭ باتىسىندا جانە ورتالىعىندا كوكتايعاق، تۇمان بولجانادى. وبلىستىڭ شىعىسى مەن وڭتۇستىگىندە جاياۋ بۇرقاسىن كۇتىلەدى.
جەلدىڭ جىلدامدىعى كۇندىز ءوڭىردىڭ باسىم بولىگىندە 15-20 م/س كۇشەيەدى. كۇندىز پاۆلودار وبلىسىنىڭ باتىسىندا جاۋىن-شاشىن (جاڭبىر، قار)، كوكتايعاق بولادى.
ءوڭىردىڭ وڭتۇستىك-باتىسىندا تۇمان كۇتىلەدى. ءوڭىردىڭ وڭتۇستىگىندە، باتىسىندا كەي ۋاقىتتاردا جەلدىڭ كۇشى 30 م/س جانە ودان جوعارى بولادى.
كۇندىز اۋا تەمپەراتۋراسى 2-7 گرادۋس جىلىعا دەيىن جوعارىلاۋى ىقتيمال.
شىعىس قازاقستان وبلىسىنىڭ سولتۇستىك، ورتالىق بولىگىندە تۇمان، كوكتايعاق بولجانادى. تۇندە وبلىستىڭ ورتالىعىندا جاياۋ بۇرقاسىن بولادى. جەل وڭتۇستىك-باتىستان سوعادى، ەكپىنى 23-28 م/س ارتادى. ءوڭىردىڭ ورتالىعىندا، وڭتۇستىگىندە، سولتۇستىك-شىعىسىندا كەي ۋاقىتتا جەلدىڭ كۇشى 30 م/س جانە ودان جوعارى بولادى.
اۋا تەمپەراتۋراسى 0-5 گرادۋس جىلىدان 2-7 گرادۋس جىلىعا دەيىن جوعارىلايدى.
7- ناۋرىزدا جەل وڭتۇستىك-باتىستان سوعادى، جىلدامدىعى 30 م/س جانە ودان اسا بولۋى ىقتيمال.
باتىس قازاقستان وبلىسىنىڭ شىعىسىندا، سولتۇستىگىندە تۇمان، كوكتايعاق كۇتىلەدى. تۇندە قىزىلوردا وبلىسىنىڭ باسىم بولىگىندە جاڭبىر بولادى. جەلدىڭ جىلدامدىعى 25 م/س ارتادى.
قاراعاندى وبلىسىنىڭ سولتۇستىگىندە، شىعىسىندا، ورتالىعىندا تۇمان، كوكتايعاق بولجانادى. وڭتۇستىك-شىعىستان سوققان جەل وڭتۇستىك-باتىسقا اۋىسىپ، كۇندىز ەكپىنى 18 م/س ارتادى.
6-7- ناۋرىز ارالىعىندا تۇركىستان جانە جامبىل وبلىستارىندا اۋا تەمپەراتۋراسىنىڭ جوعارىلاۋى مەن قاتتى جاۋىن-شاشىننىڭ كۇتىلۋىنە بايلانىستى قاردىڭ قارقىندى ەرۋى، تاۋ بوكتەرلەرىنەن سۋدىڭ اعۋى، وزەندەردە سۋ دەڭگەيىنىڭ كوتەرىلۋى كۇتىلەدى.
اتىراۋ وبلىسىنىڭ باتىسىندا قاتتى جاۋىن-شاشىن (جاڭبىر، قار) كۇتىلەدى. وبلىستىڭ باتىسىندا، شىعىسى مەن ورتالىعىندا جەلدىڭ ەكپىنى 23-28 م/س كۇشەيەدى.
نۇر-سۇلتان قالاسىندا كەي ۋاقىتتا تۇمان كۇتىلەدى. وڭتۇستىك باتىستان سوعاتىن جەل وڭتۇستىك-شىعىسقا اۋىسىپ، ەكپىنى كۇندىز 15-20 م/س ارتادى. اقمولا وبلىسىنىڭ باتىسىندا، وڭتۇستىگىندە تۇمان كۇتىلەدى. وڭتۇستىك-باتىستان سوعاتىن جەل وڭتۇستىك-شىعىسقا اۋىسىپ، كۇندىز ەكپىنى 15-20 م/س ارتادى.
6-7- ناۋرىزدا جامبىل وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار)، نايزاعاي كۇتىلەدى. وبلىستىڭ سولتۇستىگىندە، تاۋلى اۋداندارىندا تۇمان بولجانادى.
7- ناۋرىزدا وڭتۇستىك-باتىستان جەل سوعىپ، تاۋلى اۋدانداردا ەكپىنى 25 م/س دەيىن جەتۋى مۇمكىن.
ماڭعىستاۋ وبلىسىنىڭ باتىسىندا قاتتى جاڭبىر جاۋادى. كۇندىز سولتۇستىك قازاقستان وبلىسىنىڭ باسىم بولىگىندە جاۋىن- شاشىن (جاڭبىر، قار) كۇتىلەدى. وبلىستىڭ وڭتۇستىك-باتىسىندا، باتىسىندا، سولتۇستىگىندە جاياۋ بۇرقاسىن، كوكتايعاق بولادى.
تۇندە جانە تاڭەرتەڭ وبلىستىڭ وڭتۇستىگىندە تۇمان بولجانادى. وڭتۇستىك-باتىستان سوعاتىن جەل وڭتۇستىك-شىعىسقا اۋىسىپ، كۇندىز كۇشى 25 م/س ارتادى.